AGK kërkon që gjyqësori t’i trajtojë me prioritet rastet e dhunës ndaj gazetarëve, këtë vit u sulmuan 11
![](https://gazetainfokus.com/wp-content/uploads/2023/05/agk-1130x635-1-852x460.jpg)
Autori: Gazeta inFokus
13:02 | 03 May 2023
Bordi i Asociacionit të Gazetarëve të Kosovës, me rastin e Ditës Botërore të Lirisë së Shtypit, u ka bërë bërë thirrje prokurorëve dhe gjyqtarëve që t’i trajtojnë me prioritet rastet e dhunës ndaj gazetarëve.
Përmes një shkrese, Bordi i AGK-së ka shprehur shqetësim në lidhje me trajtimin e rasteve të dhunës kundër gazetarëve duke kërkuar nga gjyqësori që të trajtojë me seriozitet më të madh mbrojtjen e gazetarëve nga dhuna, e cila vjen si rezultat i ushtrimit të aktivitetit të tyre si raportues të çështjeve të cilat përbëjnë interes publik.
Në pesë vitet e fundit, AGK-ja ka regjistruar 120 raste kërcënimesh, ndaj gazetarëve dhe punonjësve të tjerë të medias. Gjithsej, 17 raste janë regjistruar në vitin 2018, 21 raste në vitin 2019, 24 raste në vitin 2020, 29 raste në vitin 2021 dhe 33 raste gjatë vitit 2022.
Vetëm këtë vit, janë shënuar 11 raste sulmesh, me më të rëndin atë fizik kundër gazetarit Valon Syla.
Kështu, sipas AGK-së, numri i rasteve të kërcënimeve, sulmeve dhe ngacmimeve ndaj gazetarëve është rritur vit pas viti.
“Sulmet ndaj gazetarëve, pos që paraqesin vepra penale kundër jetës dhe trupit, ato cenojnë edhe një prej lirive bazë në një shoqëri demokratike, që është liria e shprehjes. Duke mos minimizuar rrezikun e asnjë vepre penale, rastet e sulmeve ndaj gazetarëve kanë një rrezikshmëri të veçantë, që përpos në palën e dëmtuar, e vënë në rrezik edhe lirinë e shprehjes së gazetarëve dhe lirinë e informimit të qytetarëve”, thuhet në shkresë.
Rritja e sulmeve ndaj gazetarëve kërkon reagim urgjent dhe adekuat nga ana e sistemit të drejtësisë.
AGK-ja, e vlerëson lartë miratimin e Planit Strategjik për Përmirësimin e Qasjes në Drejtësi me të cilin parashihet që rastet e gazetarëve të trajtohen brenda një afati të shkurtër kohor, ashtu siç e vlerëson edhe caktimin e koordinatorëve për rastet e dhunës kundër gazetarëve nga ana e prokurorëve.
“Përkundër këtyre zhvillimeve pozitive, shqetësimet tona kryesore mbesin kualifikimi i gabuar i veprave penale nga ana e prokurorëve ndaj sulmueseve të gazetarëve, kryesisht duke përzgjedhur vepra më të lehta penale dhe zvarritja e rasteve në gjykata dhe dënimet jashtëzakonisht të ulëta ndaj sulmueseve të gazetarëve të shqiptuara nga gjykatësit”, thuhet tutje.
“Ne kërkojmë nga prokurorët që në rastet e sulmeve ndaj gazetarëve të ndërmarrin hetime profesionale dhe të pavarura dhe akuzat ndaj sulmueseve të gazetarëve t’i përpilojnë duke marrë parasysh jo vetëm rrethanat lehtësuese por edhe ato rënduese me qellim të dekurajimit të sulmeve ndaj gazetarëve. Nga gjyqtarët kërkojmë që rastet e sulmeve ndaj gazetarëve të trajtohen me prioritet të lartë dhe sulmuesit të marrin dënime që reflektojnë rrezikshmërinë që iu kanoset gazetarëve e jo të shqiptohen dënime të lehta”.
![](https://gazetainfokus.com/wp-content/uploads/2023/09/Baneri-kryesor-.png)
Të tjera
-
23 vjet nga sulmet terroriste në ShBA
Shtetet e Bashkuara të Amerikës, por edhe mbarë bota përkujtojnë sot 23-vjeto...
-
Mbahet mbledhja e Qeverisë, në rend dite 14 pika
Qeveria e Kosovës do ta mbajë sot mbledhjen e radhës, e cila fillon në orën 1...
-
TMERR në linjën Tiranë-Stamboll/ Indiani tentoi të hapte derën e emergjencës gjatë fluturimit, avioni kthehet sërish në Rinas
Një incident ka ndodhur sot në linjën Tiranë-Stanboll. Avioni kishte pak minu...
-
OKB: Shqipëria në mesin e 6 vendeve, me rënien më të madhe të popullsisë në botë deri më 2054
Organizata e Kombeve të Bashkuara (OKB), në projeksionet e reja për ecurinë e...
-
Kë preferon Putin për President? Harris: Trump admiron diktatorët. Ish-Presidenti: Vladimir të mbështeti para një jave
Lufta në Ukrainë dhe Palestinë ishin një tjetër çështje e politikës së jashtm...
-
Kamberi për ndalimin e Sinanit në kufirin e Serbisë: Listat e Vulinit po vazhdojnë të aplikohen
Deputeti i vetëm shqiptar në Kuvendin e Serbisë, Shaip Kamberi, ka reaguar nd...
-
Reshjet pushojnë gjatë ditës, pason stabilizimi i përkohshëm i motit
Reshjet e shiut vazhdojnë gjatë natës në pjesë të vendit, por dhe orëve të më...
-
Harris dhe Trump deklarojnë fitoren pas debatit. Demokratët kërkojnë një përballje të dytë në muajin tetor
Në përfundim të debatit presidencial 90 minutësh, të dyja kampet kanë deklaru...
-
Kurti e pret sot në takim kryeparlamentaren e Shqipërisë
Kryeministri i Kosovës, Albin Kurti sot do të pres në takim kryetaren e Kuven...
-
Dy qytetarë sulmohen nga qentë endacakë në oborrin e QKUK-së në Prishtinë
Dy persona janë sulmuar nga qentë endacakë në Qendrën Klinike Universitare të...
-
Ulja e dënimit për Salih Mustafën, avokati thotë se ka bazë që të zvogëlohet edhe më tutje
Avokati Xhevdet Smakiqi ka folur në lidhje me vendimin për uljen e dënimit të...
-
“E kam lut me u ndal”, pronari i hotelit ku kishte ndodhur vrạsja në Dragodan rrëfen për ngjarjen
Dëshmitari Vegim Imeri, pronar i hotelit ku kishte ndodhur vrasja në 2023-ën ...