Lajme

“Agjenda anti-shqiptare e Gërvallës është në linjë me agjendën anti-perëndimore të Kurtit”

Autori: Gazeta inFokus 18:39 | 10 July 2023

Anëtari i Kryesisë së LDK-së, Anton Berisha, ka komentuar deklarimet e shefes së diplomacisë kosovare, Donika Gërvalla, në Dubrovnik, para disa ditësh. Gërvalla, në Forumin e Dubrovnikut ka thënë se pa ShBA-në dhe NATO, BE-ja është një “tigër prej lere”.

Sipas Berishës, shefja e diplomacisë kosovare është e papërgjegjshme dhe është shqetësues agjenda e saj “anti-shqiptare. Duke theksuar se Gërvallës në linjë m qëndrimet e kryeministrin, Albin Kurti, i cili sipas tij, është udhëheqësi i politikës “anti-evropiane”.

“Është një ministre e papërgjegjshme, me mungesa elementare të komunikimit diplomatik. Dhe, çka është ma shqetësuese është se është dashakeqëse, kjo ka marrë një rol një agjende anti-shqiptare. Për ta armiqësuar Kosovën me Evropën. Kjo as nuk duhet të emërohet por me standardin kësaj qeveria, praktikisht udhëheqësi i politikes anti-perëndimore është vetë Kurti, kështu që në këtë kuptim kjo është në linjën e tij. Ai ka vazhdimisht deklaratë të papërgjegjshme, siç ishte ajo me sekretarin Blinken dhe vazhdimisht me deklaratat që shpërfaqin prirjen e tyre deri në armiqësimin më botën perëndimore.”, ka thënë Berisha.

-Advertisement-

Berisha ka shtuar se Kosova nuk e ka luksin të flasë me gjuhën e Gërvallës.

“Të gjitha aspektet është e papërgjegjshme. Por, aspekti që dua ta ndaj është papërgjegjshmëri ndaj vendit të vet. Kosova nuk e ka luksin… ti shpallë luftë të BE-së dhe të bëj krahasime të tilla të Mao Ce Duni. Çdo deklaratë e tillë vetëm e dëmton Kosovën, Kosova nuk është në pozicion të përdorë një fjalor të tillë”, ka shtuar Berisha.

Subscribe në YouTube: GAZETA INFOKUSI