Lajme

“Agjencioni i forenzikës, institucioni më i besueshëm në Kosovë”

Autori: Gazeta inFokus 10:58 | 31 May 2017

Ambasada Amerikane në bashkëpunim me Zyrën për asistencë, zhvillim dhe trajnim të prokurorëve të huaj, ka organizuar Punëtorinë për kapacitetet e forenzikës së Policisë dhe Prokurorisë.

Prezent në këtë aktivitet ishin ambasadori Greg Delawie, Ministri i Punëve të Brendshme në largim, Skënder Hyseni dhe Kryeprokurori, Aleksandër Lumezi.

Delawie iu drejtua të pranishmëve duke thënë se agjencioni i forenzikës në Kosovë ka arritur shumë dhe është duke ecur përpara, ndonëse ka sfida të shumta.

-Advertisement-

Sipas tij institucionet kosovare në këtë aspekt kanë përparuar dukshëm.

Ndërkohë Skënder Hyseni falënderoi SHBA-të për përkrahjen që i kanë dhënë agjencionit të ekspertizës me donacionin prej 15 milionë dollarëve.

Tutje ai tha se agjencia e forenzikës është institucioni më i besueshëm, ku kryhen 5 mijë ekspertiza në vit, raporton KlanKosova.

E kryeprokurori, Aleksandër Lumezi tha se shkenca në forenzikë po kontribuon dukshëm në zbardhjen e të vërtetës.

Subscribe në YouTube: GAZETA INFOKUSI