Lajme

Agjencia e Punësimit: Çdo vit në Kosovë hapen rreth 10 mijë vende të reja pune

Autori: Gazeta inFokus 19:10 | 05 June 2022

Në Kosovë, brenda një viti, tregut të punës i shtohen më shumë punëkërkues sesa vende të reja pune. Në një konkurrencë tillë, gjasat për t’u punësuar shpejt përcaktohen nga profesioni.

Por, cilat janë profesionet më me perspektivë në Kosovë?

Sipas Agjencisë së Punësimit, çdo vit në Kosovë hapen rreth 10 mijë vende të reja pune, ndërsa shtohen rreth 14-15 mijë punëtorë të rinj në treg.

-Advertisement-

Shpëtim Kalludra nga Agjencia e Punësimit këshillon të rinjtë që të mos studiojnë shkencat sociale, pasi nuk ka shumë treg për to.

“Kemi mungesë të inxhinierëve të mekanikës dhe elektronikës. Elektronika është në zhvillim e sipër. Prandaj, shkencat elektro-teknike do të ishte mirë që të jenë orientim për të rinjtë në mënyrë që të jenë më të suksesshëm në tregun e punës”.

“Ka shumë profesione si programerë e dizajnerë që ka kërkesë të madhe në tregun e punës, madje ata mund të qëndrojnë fizikisht në Kosovë e virtualisht të kryejnë punë në vende të tjera”, ka thënë Kalludra për REL-in.

Pagat në sektorin e teknologjisë informative mund të nisin nga 500 e deri në mijëra euro, varësisht nga specializimi.

Ndonëse nuk ka shifra të sakta për numrin e pozitave të hapura në fushën e teknologjisë informative në Kosovë, ekspertët besojnë se sektori është në rritje të madhe, por në të njëjtën kohë ka mungesë të kuadrove.

Nga Agjencia e Punësimit thonë se vitin e kaluar janë shpallur thirrje për qindra vende pune në këtë sektor, por ka pasur mungesë të kandidatëve që plotësojnë kushtet e kërkuara.

Subscribe në YouTube: GAZETA INFOKUSI
Nëntori sjellë Magjinë në ETC
-Advertisement-

Të tjera

Fokusi

lajme