Lajme

Agim Bahtiri jep arsyet pse po kërkon bashkimin e Mitrovicës

Autori: Gazeta inFokus 11:58 | 30 November 2018

Kuvendi komunës i Mitrovicës po mban seancë të jashtëzakonshme për inicimin e ndryshimit të Ligjit për kufijtë administrativë të komunave me qëllim të bashkimit të Mitrovicës.

Kryetari i komunës së Mitrovicës, si propozues i pikës së rendit të ditës, Agim Bahtri tha se ka thirr këtë mbledhje për t’i propozuar Qeverisë së Kosovës që të nis procedurën në Kuvendin e Kosovës për të ndryshuar ligjet që e kanë ndarë Mitrovicën.

Bahtiri arsyetoi se kjo ishte kërkesë e qytetarëve të Mitrovicës si në veri dhe jugë sepse Mitrovicën e kanë ndarë pa dëshirën e tyre. Ai tha se cdoherë ka ofruar përkrahje për komunat tjera në veri, por ish-kryetari i komunës së Mitrovicës së Veriut, Rakiq çdoherë ka qenë ai që nuk i ka përfillur kërkesat e tij dhe shqiptarëve në veri. Madje, sipas tij, Rakiq ka kontribuar për pastrimin etnik të pjesës veriore.

-Advertisement-

Bahtiri tha se nuk po ndodh as hapja e urës mbi lumin Ibër dhe as nuk është nënshkruar marrëveshja për kufirin administrativ në mes jugut dhe veriut.

“Me vendimin që është marrë në mënyrë politike në pjesën e veriut, duke dhënë dorëheqje nga kryetari dhe duke shuar krejt strukturën por edhe duke bojkotuar dhe paralizuar sistemin lokal në pjesën e veriut, qytetarët e Mitrovicës së veriut më janë drejtuar që të iniciojë këtë që e keni para juve, që të kërkojë nga Qeveria e Kosovës që të iniciojë në Kuvendin e Kosovës për ndryshimin e nenit…nenit 5, paragrafit 2 të shtohet në paragrafi 29 dhe të plotësohet me tekstit, komuna e Mitrovicës me seli në Mitrovicë. Me ndryshimin e këtij neni arrihet bashkimi i Mitrovicës, njëkohësisht për të arritur këtë qëllim kam propozuar të fshihet neni 3, paragrafi 3, neni 5 paragrafi 4, neni 7 dhe neni 8“, ka thënë ai.

Ai ka komentuar edhe çështjen e serbeve në veri, të cilët kanë thënë se nuk kanë bukë dhe barëra, duke i garantuar se askush në katër komunat në veri nuk do të ketë mungesë të ushqimit dhe barërave.

Subscribe në YouTube: GAZETA INFOKUSI