Lajme

Agim Bahtiri: Albin Kurti do t’ia kthej dinjitetin Kosovës

Autori: Gazeta inFokus 13:08 | 21 September 2019

Kryetari i komunës së Mitrovicës dhe tashmë zyrtari i Lëvizjes Vetëvendosje, Agim Bahtiri, thotë se Albin Kurti si kryeministër i Kosovës në mandatin e ardhshëm 4 vjeçar do t’ia kthej dinjitetin vendit, duke i dhënë fund keqeverisjes dhe korrupsionit 20 vjeçar në nivel nacional.

Bahtiri beson se orteku i fitores për Lëvizjen Vetëvendosje dhe Albin Kurtin ka nisur dje në Mitrovicë.

Ja postimi i plotë i Agim Bahtirit në Facebook:

-Advertisement-

Dje, ishte një ditë e veçantë pasi që Mitrovica i dha mbështetje të fuqishme Kryeministrit në ardhje, z. Albin Kurti.

Orteku i fitores nisi në Gushavc, fshatin tim të lindjes, ku qindra banorë e pritën në mënyrë madhështore z. Kurti dhe kandidatët e Lëvizjes Vetëvendosje për deputetë në Kuvendin e Kosovës.

Më pas vazhduam për në Zhabar, që ka qenë gjithmonë bastion i përkrahësve për mua, ku shpalosëm vizion qeverisës pas fitores së 6 tetorit.

Zhabari nuk ishte ndalesa e fundit, pasi që një pritje edhe më madhështore ishte organizuar në Shupkovc, me ç’rast u zotuam para qindra të simpatizantëve dhe aktivistëve të Lëvizjes Vetëvendosje se në mandatin e ardhshëm 4 vjeçar do t’ia kthejmë dinjitetin Kosovës, duke i dhënë fund keqeverisjes dhe korrupsionit 20 vjeçar në nivel nacional, ashtu siç i dhamë fund këtyre dukurive më 2013 në Mitrovicë.

Takimin përmbyllës për ditën e djeshme e mbajtëm në Vushtrrinë e Hasan Prishtinës, ku Kryeministri në ardhje, z. Albin Kurti së bashku me ne u zotua në qeverisjen e tij do të ketë zhvillim ekonomik, mirëqenie për të gjithë, arsimim cilësor, shëndetësi më të mirë dhe zhvillim ekonomik.

Subscribe në YouTube: GAZETA INFOKUSI