Fokus

Aeroporti i Prishtinës kalon shifrën mbi një mijë fluturime për 1 muaj, rritet edhe numri i udhtarëve

Autori: Gazeta inFokus 13:27 | 17 June 2025

Aeroporti Ndërkombëtar i Prishtinës “Adem Jashari” ka shënuar një rritje të dukshme në aktivitetin ajror gjatë muajit prill 2025.

Në total, gjatë këtij muaji janë realizuar 1 mijë e 166 fluturime, që përfaqëson një rritje prej 19.5% krahasuar me të njëjtën periudhë të vitit të kaluar (prill 2024), kur ishin regjistruar 976 fluturime.

Rritje edhe më e lartë është shënuar në numrin e udhëtarëve që kanë kaluar përmes aeroportit, shkruan Gazeta Infokus.

-Advertisement-

Sipas të dhënave të publikuara nga Agjencia e Statistikave të Kosovës në prill 2025, numri i përgjithshëm i udhëtarëve ka arritur në 399 mijë e 207, krahasuar me 326 mijë e 313 në prill 2024 – një rritje prej 22.3%.

Detajet e udhëtarëve:

Udhëtarët në ardhje: 201 mijë e 175 (rritje prej 23.7%)

Udhëtarët në shkuarje: 198 mijë e 32 (rritje prej 21.0%)

Ky trend pozitiv duket vjen si rezultat i interesimit në rritje për udhëtime ajrore por edhe përmirësimit të infrastrukturës në aeroport dhe zgjerimit të linjave ajrore që operojnë në Kosovë.

Rritja e vazhdueshme e trafikut ajror tregon rëndësinë strategjike të Aeroportit të Prishtinës për ekonominë dhe lidhjen ndërkombëtare të Kosovës.

Aeroporti i Prishtinës me rekord të ri të udhëtarëve dhe fluturimeve - Telekomunikacion - Ekonomia

Rritjen e numrit të fluturimeve por edhe investimin në infrastrukturë për Infokus e konfirmoi edhe zëdhënsja e Aeroportit të Prishtinës, Valentina Gara.

Ajo ka thënë se aerporti ka rritur numrin e portave të punëtorëve si dhe ka investuar në aspektin teknik.

Sipas Garës që nga fillimi i koncesionit, në infrastrukturën e aeroportit janë investuar mbi 147 milionë euro, ndërsa në buxhetin e Kosovës janë derdhur mbi 166 milionë euro përmes tarifës së koncesionit.

“Portat (gates) janë shtuar nga 8 në 12, janë vendosur Self Check-in kioska dhe Baggage Drop, E-gates janë funksionalizuar për përshpejtim të kontrollit kufitar.Këto përmirësime janë bërë për të përshpejtuar proceset dhe për të lehtësuar lëvizjen e pasagjerëve,” thekson Gara.

Këto shifra pasqyrojnë stabilitetin dhe përmirësimin e sektorit të transportit ajror në vend, duke e bërë Prishtinën një pikë gjithnjë e më të rëndësishme në hartën e fluturimeve ndërkombëtare në rajon./Gazeta Infokus

Subscribe në YouTube: GAZETA INFOKUSI
Artmotion fuqizon ragbin në Kosovë, Prishtina mirëpret Turneun Ndërkombëtar “Europe 7’s Conference”
-Advertisement-

Të tjera

Fokusi

fokus