Lajme

Aeroplani special i ardhur nga Holanda, kjo është arsyeja pse ndodhet në Prishtinë

Autori: Gazeta inFokus 18:51 | 27 October 2020

Në media sonte është raportuar rreth aterrimit të një aeroplani special nga Holanda në Aeroportin e Prishtinës.

Mediat kanë dyshuar se ky aeroplan është i Gjykatës Speciale, madje për këtë kanë kontaktuar edhe me Zyrën e Prokurorit të Specializuar, për t’i pyetur rreth kësaj çështje, megjithatë zëdhënësi Christopher Bennet, ka thënë se nuk është një temë për të cilën mund të jap informacione.

Mësohet se ky aeroplan nuk ka të bëjë asgjë me Specialen, pasi që me të kanë arritur vajzat e kombëtares së Holandës të cilat pas pak do të ndeshen me kombëtaren e Kosovës në stadiumin “Fadil Vokrri” në Prishtinë.

-Advertisement-

Aeroplani ndodhet ende në aeroportin “Adem Jashari” dhe pasi vajzat ta përfundojnë ndeshjen do të kthehen sërish drejt Amsterdamit.

Subscribe në YouTube: GAZETA INFOKUSI