Lajme

Adriana Matoshi reagon ndaj rastit të Festës së Abetares në Pejë: E pa tolerueshme

Autori: Gazeta inFokus 15:14 | 18 May 2022

Aktorja dhe deputetja e Vetëvendosjes, Adriana Matoshi ka reaguar ndaj rastit të Festës së Abetares në Pejë ku dhjetë nxënës të pakicave, u ulën të ndarë nga pjesa tjetër e fëmijëve.

Kjo ka ngjallë reagime të shumta dhe në mesin e tyre edhe Matoshi.

Përmes një postimi në Instagram, Matoshi tha se përjashtimi i fëmijëve të komunitetit RAE prej aktiviteteve të shkollës, sjellë kujtime krejt të freskëta për popullin e Kosovës, të asaj çfarë ka ndodhur me dekada nëpër shkolla me nxënësit shqiptar.

Tutje ajo tha se kjo është e pa tolerueshme dhe se kushdo që e ka marrë një vendim të tillë, nuk e ka vendin në institucionet arsimore.

“E pa tolerueshme. Kushdo që ka marrë një vendim te tillë, nuk e ka vendin në institucionet tona arsimore. Ministria e arsimit me urgjencë te reagojë e ti pastroj ambientet shkollore nga mësues e edukatorë racist”, ka shkruar Matoshi.

Të tjera

Fokusi

lajme