‘Adios’ Kosova, ikja masive drejt Kroacisë (Video)
Autori: Gazeta inFokus 20:33 | 22 January 2020
“Autobusët që dikur mbusheshin me njerëz që ktheheshin nëpër shtëpi nga puna, tani po largohen të stërmbushur me kosovarë për të gjetur punë larg shtëpisë”, kështu e fillon rrëfimin Afrimi derisa priste autobusin e linjës Prishtinë-Zagreb nga Stacioni i Autobusëve në Prishtinë.
Derisa ndizte një pas një cigaret dhe kryqëzonte duartë, autobusi i linjës së rregullt Prishtinë-Zagreb bëhej gati të nisej, pasi që ishte mbushur përplot me pasagjerë.
Për kosovarët që dëshirojnë të punojnë në shtetin bregdetar janë hapur me të madhe dyertë nga viti i kaluar, me ç’rast edhe Ambasada kroate në Prishtinë ka aprovuar mijëra viza pune deri më tani.
Për shkak të kërkesave të mëdha për të udhëtuar drejt Kroacisë, kompanitë që merren me transportin e udhëtarëve kanë lëshuar linja të rregullta katër herë në javë.
“Deri më tani kam punuar me një autolarje në Kosovë, por tash e tutje do të punoj në Kroaci”, thotë Afrimi për portalin “Front Online”, derisa refuzon të dalë para kamerës.
Nga Stacioni i Autobusëve në Prishtinë thonë për “Front Online” se drejt Kroacisë më së shumti po udhëtojnë qytetarët e rajonit të Gjilanit, Prishtinës, por ka edhe nga Prizreni, pasi që disa autobusë nisen direkt nga Komuna e fundit.
“Vetëm të premten e kaluar janë nisur katër autobusë përplotë me pasagjerë nga Prishtinë, dy për Kroaci dhe dy për Slloveni. Largimi me këtë tempo ka nisur para 4 muajëve dhe nuk dihet se kur do të përfundoj”, shprehen punonjës nga Stacioni i Autobusëve në Prishtinë.
Njëkohësisht, sipas tyre, shumë autobusë udhëtojnë edhe drejt Gjermanisë, ku ka rritje të numrit të pajisjeve me viza pune.
Derisa nga një zyre në Stacion të Autobusëve jepnin informata për numrin e qytetarëve që largohen nga Kosova me viza pune, pak metra më larg dëgjohej zëri i një të riu derisa thoshte se po shkon fillimisht vet në Kroaci, pastaj do të mundohet t’ua siguroj vizat edhe dy vëllezërve të tij.
Në mesin e personave që kishin prerë biletat për Kroaci, kishte edhe të tillë qe thoshin se atje po shkojnë me shumë dëshirë, dhe se kjo nuk ishte hera e parë që bëjnë të njejtën rrugë, me të njejtin qëllim, fitimin e disa parave më shumë.
“Edhe Shtatorja e Skenderbeut nga Prishtina ka me ik për Kroaci, as ju nuk keni vend perspektivë këtu”, kështu shprehej punonjësi i agjencionit të autobusëve derisa mbyllte dyertë dhe bëhej gati për t’u nisur./Front Online/
Të tjera
-
Çitaku, Kurtit: Mos u përziej aty ku s’e ke vendin – ke fituar për kryeministër të Kosovës, jo për sundimtar të shqiptarëve
Sekretarja e Përgjithshme e PDK-së, Vlora Çitaku, ka thënë se mësimi kryesor ...
-
Abdixhiku: Shqiptarët në Maqedoninë e Veriut u ndanë, Kurti dhe gjithë aparati qeveritar u bënë akter aktiv
Kryetari i Lidhjes Demokratike të Kosovës (LDK), Abdixhiku, ka reaguar pas re...
-
Ngjarjet e datës 25 prill
Vazhdon procesi gjyqësor në rastin Thaçi dhe të tjerët – gjykimi. (Hagë, ora ...
-
Taravari: BDI manipuloi me vota joshqiptare
Kandidati për president i Koalicionit VLEN Arban Taravari, pas shpalljes së r...
-
Festa e Frontit Europian, Ahmeti: Ky kapitull u mbyll me sukses, me mbi 40 mijë vota epërsi ne shënuam fitore
Kryetari i Bashkimit Demokratik për Integrim, Ali Ahmeti në festën e fitores ...
-
Valon Syla pas fitores së Osmanit: Kur Albin Kurti të shkojë në plazhet greke, më nuk i bie kah Maqedonia
Analisti Valon Syla tha se kryeministri Albin Kurti ka marrë leksion sonte sa...
-
Kurti fton diasporën që të marrë pjesë në regjistrimin online të popullsisë: Jeni shtyllë qendrore e shtetit tonë
Kryeministri i vendit, Albin Kurti ka thënë se Kosova për herë të parë ka fil...
-
Shpallet vendimi për mbylljen e TikTok-ut në SHBA
Pasi Kongresi amerikan votoi në favor të projektligjit për mbylljen e TikTok-...
-
Bujar Osmani shpall fitoren, i kërkon Arben Taravarit ta pranojë humbjen
Kandidati i BDI-së nga Fronti Europian për president të Maqedonisë së Veriut,...
-
BDI-ja nisi festën në Sheshin Skënderbeu në Shkup, Grubi: Fitoi UÇK-ja dhe Ali Ahmeti
Një numër i madh i simpatiznatëve të BDI-së janë grumbulluar në Sheshin Skend...
-
“Mbylleni derën, shkoni në shtëpi”- simpatizantët e BDI-së para shtabit të VLEN
Simpatizantët e BDI-së provokojnë përfaqësuesit e VLEN-it të cilët kanë lëshu...
-
Kandidatja e VMRO-së prin në zgjedhjet presidenciale në Maqedoninë e Veriut
Në Maqedoninë e Veriut qytetarët më 24 prill votuan për presidentin e ri të s...