Rozë

Adelina Tahiri zbulon propozimin dhe diamantin më të çmuar që i ka dhënë bashkëshorti

Autori: Gazeta inFokus 13:05 | 06 Dhjetor 2022

Adelina Tahiri prej kohësh është martuar me avokatin më të pasur në Maqedoni, Serjoza Markov me të cilin ka edhe një djalë, Jonin.

Konkurrentja e “Dance Albania” u ngjit në skenë nën tingujt e muzikalit “Moulin Rouge”, ekzaktësisht me këngën “Diamonds Are a Girl’s Best Friend”.

Siç thotë edhe kënga, diamantet janë miqtë më të mirë të një vajze dhe Adelina e konfirmon:

-Advertisement-

“Besoj që nuk ka vajzë që nuk i do diamantet, sidomos kur je me një partner dhe je ne prag të një propozimi. Une kam dy (diamante) edhe pse njëri është më i madh, ky tjetri ka më shumë vlerë sepse ishte me shumë dashuri dhe ishte unaza e parë që unë mora.”

Pasi ka ndarë pamjet, Adelina ka treguar se propozimi ka ndodhur në Vjenë, në një ndër restorantet më të famshëm të qytetit. Kamarieri i ka shërbyer një pjatë, ku ‘fshihej’ unaza.

“Nuk është e lehtë të më surprizosh mua sepse jam shumë e shkathët dhe i zbuloj surprizat, por kësaj here ai u tregua më i shkathët se unë dhe prandaj ma mori zemrën”, tha Adelina.

E pyetur nga Alketa Vejsiu se cila është lidhja që ajo ka me diamantet dhe gurët e çmuar, Adelina ka thënë se i do ato si çdo vajze, por diamanti me i çmuar që ka është djali.