Uncategorized

Adele ndalon performancën në Las Vegas për të ndihmuar një fans që po ngacmohej nga një roje sigurie

Autori: Gazeta inFokus 09:57 | 28 August 2023

Të gjithë e dimë se Adele është një artiste e jashtëzakonshme, por ajo vërtet e dëshmoi këtë në shfaqjen e saj të fundit në Las Vegas, teksa ndihmoi një fans që kishte probleme me sigurimin.

Megjithatë, duke vërejtur që diçka nuk ishte në rregull, këngëtarja ndaloi performancën e saj të “Water Under the Bridge” për të komunikuar me një roje sigurie.

“A mund të ndalemi një minutë?”, tha ajo në mikrofon, duke mbajtur dorën lart.

-Advertisement-

“Çfarë po ndodh me atë të riun atje?”, pyeti Adele, duke shkuar në skaj të skenës dhe duke treguar fansin.

“Ai është shqetësuar shumë që kur kam ardhur unë. Çfarë po ndodh me të?”, theksoi tutje ajo.

“Po, ti me dorën lart! Ti, me shkopin në dorë! Po ai!”, i drejtoi ajo punonjësit të stafit.

Ajo kërkoi të dinte: “Çfarë po ndodh? Pse po e shqetësoni?”.

“A mund ta lini të qetë, ju lutem?”, pyeti ajo.

Adele vazhdoi t’i kërkonte falje turmës për ndërprerjen e këngës.

Adele stopped her performance of “Water Under The Bridge” to defend a fan from a security guard at her Vegas residency.

🎥: camilarossiii on Instagram pic.twitter.com/jjanUwCywr

— Pop Crave (@PopCrave) August 27, 2023