Abetarja e përbashkët – Projekti me të cilin krenohen dy qeveritë mbahet sekret nga ministria e Nagavcit
Autori: Gazeta inFokus 21:00 | 28 May 2022
Kryeministri shqiptar Edi Rama dhe ai kosovar Albin Kurti i patën mbledh kabinetet e tyre, në nëntor të vitit të kaluar, në Elbasan.
Në mesin e shumë marrëveshjeve të arritura – qeveritë e të dy vendeve ishin dakord edhe për krijimin e një Abetare të unifikuar – për nxënësit nga jugu deri në veri të të dyja shteteve shqipfolëse.
“Do na duhet një punë cilësore që të bëjmë një libër të shenjtë laik të gjithë shqiptarëve që të mbetet si objekt i çmuar në të gjitha bibliotekat që si fëmijë e marrin si libër të çmuar për të mësuar dhe e mbajnë si kujtim. Të bëjmë një libër që dhe nga pikëpamja e objektit të jetë e veçantë”, kishte thënë Rama, më 26 nëntor, transmeton Gazeta Insajderi.
Gjashtë muaj pas, ende nuk dihet nëse libri për klasat e para është gati – pasi ministria e Arsimit të Kosovës, deri tash nuk ka zbuluar asgjë mbi projektin kombëtar – që fituesi ishte paraparë të shpallej në qershor.
Detajet që po mbahen sekret nga Ministria e Arsimit
Dikasteri i Arbërie Nagavcit, ministres së Kosovës, nuk ka treguar se në cilën datë do të shpallet fituesi i konkursit për “Tekstin e vetëm të përbashkët-Abetare”.
Pavarësisht interesimit të Gazetës Insajderi, ministria e ministres së Albin Kurtit, nuk ka treguar as sa shtëpi botuese kanë konkurruar për projektin në fjalë, sa është vlera e të njëjtit, dhe as dhe për sa vjet do të lidhet kontrata.
Zyra e ministres së Arsimit nuk ka zbuluar as se si do të bëhet përzgjedhja e kompanisë fituese dhe cilat janë kriteret që do të duhet t’i plotësojë fituesi.
Detaje nuk janë treguar as mbi atë nëse kompanitë nga Kosova kanë të drejtë të konkurrojnë në Ministrinë e Arsimit në Shqipëri, apo e kundërta, dhe nëse do të shpallet një fitues i vetëm për të dy shtetet-apo një Shtëpi Botuese do të shpallet fitues nga Kosova e një tjetër nga Shqipëria.
Për të gjitha këto, ministria e Arsimit s’i ka njoftuar as operatorët konkurrues, madje as për atë se kur do të hapen vlerësimet e recensentëve, që sipas konkursit parashihen të jenë pesë nga Kosova, dhe pesë nga Shqipëria.
Këta të fundit janë zgjedhur më herët në Shqipëri, në baze të një shorti, i cili sipas pjesëmarrësve ka qenë transparent. Ministria e Arsimit të Kosovës nuk ka treguar as në bazë të cilave kritere janë zgjedhur të njëjtit, pavarësisht pyetjes së Gazetës Insajderi.
Të njëjtëve atë ditë u ishte thënë vetëm me gojë, dhe jo me shkrim se afti i dorëzimit të materialeve do të ishte deri më 30 maj, në ora 12, shkruan Gazeta Insajderi.
Puna më pas ka mbetur tek Komisioni i përbashkët vlerësues, Kosovë-Shqipëri, i cili e ka fuqinë ta shpallë fituesin e Abetares së vetme shqiptare.
Por, siç ka mësuar Gazeta Insajderi, kjo mund të ndodh vetëm pasi recensentët nga Shqipëria dhe Kosova t’i notojnë me pikë tri Abetaret e paraqitura nga konzorciumet aplikuese.
Emrat e anëtarëve të komisioneve vlerësuese të dy ministrive
Anëtarë nga Kosova, dhe ata nga Shqipëria do të vendosin për Abetaren e vetme shqiptare, pas botimit të së cilës fëmijët këndej dhe andej kufirit do të kenë të njëjtin libër mbi tavolinat e tyre të shkollave.
Gazeta Insajderi ka mësuar emrat në duar të të cilëve është libri i Abetares.
Emrat e komisionit në Kosovë: Agim Berdyna, kryetar i komisionit; Isni Kryeziu, anëtar; Fehmi Zylfiu, anëtar; Feime Llapashtica, anëtare; Shqipe Gashi, anëtare; Arbër Salihu, anëtar – të gjithë këta janë punonjës në ministrinë e ministres së Arsimit, Arbërie Nagavci.
Emrat e komisionit në Shqipëri: Zamira Gjini, kryetare e komisionit; Erzen Tola, anëtar; Mirela Bimo, anëtare; Anila Ferizaj, anëtare; Besnik Rama, anëtar; Erida Koleci, anëtare – të gjithë këta janë punonjës në ministrinë e ministres së Arsimit, Evis Kushi.
Çfarë ndodhi me Abetaren e përbashkët të vitit 2012?
Në vitin 2012, në një ceremoni festive në Prizren, dy kryeministrat e asaj kohe, Sali Berisha i Shqipërisë dhe Hashim Thaçi i Kosovës, promovuan një abetare të unifikuar. Sikurse tash, qëllimi i kësaj abc-je për fëmijët ishte që të mësohej si tekst i vetëm nga nxënësit e klasës së parë të të dyja vendeve.
Më 17 nëntor të atij viti, ish-kryeministri Berisha e quajti promovimin e Abetares së përbashkët si momentin më të rëndësishëm historik të kombit shqiptar.
Edhe ish-kryeministri Thaçi, pati thënë se Abetarja e përbashkët është libri bazë dhe më i rëndësishëm i kulturës dhe arsimit në gjuhën shqipe. Krijimin e Abetares së përbashkët ai e ka quajtur “arritje historike”.
“Sot është një ditë historike për kombin, kulturën dhe qytetërimin shqiptar. Sot po e prezantojmë për herë të parë Abetaren e përbashkët të shqiptarëve, për herë të parë në historinë e kombit shqiptar. Kjo është e arritur historike. Është Abetarja e parë e përbashkët, e bashkautorëve nga Shqipëria dhe Kosova”, pati thënë Thaçi.
Ai kishte theksuar se promovimi i Abetares së përbashkët kishte ndodhur jo rastësisht në qytetin e Prizren, duke e quajtur këtë të fundit si kryeqytet shpirtëror të shqiptarëve.
Teksti fitues për Abetaren e përbashkët Shqipëri-Kosovë ishte përzgjedhur më 24 prill të vitit 2012.
Kjo Abetare ka katër bashkë-autorë, Shezai Rrokajn dhe Mimoza Gjokutajn nga Shqipëria, si dhe Islam Krasniqin dhe Saranda Kumonova-Pozhegun nga Kosova.
Ky tekst botohet nga një shtëpi botuese e Kosovës dhe një shtëpi botuese e Shqipërisë.
Abetarja e përbashkët ishte realizuar me nismën e dy ministrive të Arsimit, të Shqipërisë dhe Kosovës, gjë që do të vazhdojë edhe lidhur me unifikimin e teksteve të tjera shkollore.
Ministri i atëhershëm i Arsimit në Kosovë, Ramë Buja kishte thënë se e ka “besimin e palëkundur se (abetarja) do të jetojë gjatë”.
“Kur e filluam, nuk e kishim fare të lehtë as unë e as ministri Tafaj dhe as ata që në vazhdimësi u morën me këtë çështje. Madje, kishte edhe të atillë që mendonin se kjo ishte punë nuk bëhej, pra ishte e pamundur. Por, mbështetja e kryeministrave Berisha e Thaçi na bëri të mos njohim pengesa”, pati thënë ai.
Të tjera
-
Mbesa e kosovarit të burgosur në Serbi: Nuk e dimë si është trajtuar
Ministria e Punëve të Jashtme dhe Diasporës e Kosovës, ka konfirmuar arrestim...
-
Beogradi i cakton 30 ditë paraburgim kosovarit të arrestuar para dy ditësh në kufi, MPJ thotë se i është keqësuar shëndeti
Ministria e Punëve të Jashtme dhe Diasporës e Kosovës, ka konfirmuar arrestim...
-
Lajçak: Mandati im si ndërmjetës deri më 31 gusht – me lidershipin e ri të BE’së nis një fazë e re e procesit
Miroslav Lajçak së shpejti do ta lë postin e emisarit special të BE’së për Ba...
-
Vetëaksident tek Llesna në Prishtinë (PAMJE)
Një vetëaksident trafiku ka ndodhur para pak minutave tek Llesna në Prishtinë...
-
Vrąsja e intelektualëve të Mitrovicës 25 vjet më parë, Kurti: Serbia ua mohon familjeve të drejtën për të ditur të vërtetën
Kryeministri i Kosovës, Albin Kurti ka kujtuar zhdukjen e intelektualëve të M...
-
Anulohet pjesëmarrja e Kurtit në tubimin e opozitës së Maqedonisë së Veriut sonte në Berlin, çfarë ndodhi?
Bekim Qoku Këshilltar i Jashtëm Politik të Kryeministrit Albin Kurti për marr...
-
Murati: Marrëveshjet e deritanishme janë marrë vetëm me serbët e Kosovës
Kryetari i Lëvizjes për Bashkim, Valon Murati, ka thënë se deri më tani, marr...
-
Ky është rreshteri i NJRSH-së që u suspendua nga IPK-ja, dyshohet se e rrahu keq një qytetar
Sedat Ramdani, rreshter në Njësinë e Reagimit të Shpejtë në rajonin e Prizren...
-
17 vjeçari e th*rr me thíkë një person në Ferizaj, arrestohet brenda dy orëve
Sot në ora 17:47 policia rajonale e Ferizajt pranoi një informatë se në udhëk...
-
Durmishi i përgjigjet Pal Lekajt: Pse po rren?
Zëvëndësministri i Infrastrukturës, Hysen Dumishi, i ka reaguar ish-ministrit...
-
Stano: Arrestimi i zyrtarëve policorë të Kosovës nga Serbia, shqetësues
Zëdhënësi i Bashkimit Evropian, Peter Stano, tha për Radion Evropa e Lirë të ...
-
Një muaj paraburgim për kosovarin e ndaluar në Serbi nën dyshime për kríme ĺufte, thonë familjarët
Një gjykatë serbe ia ka caktuar masën prej një muaji paraburgim të pr...