Lajme

Abelard Tahiri – ministrit të Mbrojtjes: Je në Kosovë, leje pak anash Norvegjinë

Autori: Gazeta inFokus 09:53 | 05 May 2021

Shefi i grupit parlamentar të PDK-së, Abelard Tahiri ka pasur disa kritika për ministrin e Mbrojtjes, Armend Mehajn.

Derisa Mehaj që momentalisht është duke raportuar para deputetëve në komisionin për siguri disa herë derisa po përgjigjej ka thënë “Ne në Norvegji”, një gjë e tillë e ka penguar deputetin e PDK-së.

Ministri i Kurtit tregon a do të ketë shërbim të detyrueshëm ushtarak, deputeti i PDK-së e vë në siklet me pyetjen për gjendjen e jashtëzakonshme

Tahiri ka kritikuar ministrin, duke thënë se ai duhet ta lërë anash atë pjesë të rëndësishme të jetës së tij, sepse tani nuk është më në Norvegji, por është duke shërbyer në Kosovë.

Deputeti i PDK-së, ka thënë se Mehaj duhet të fokusohet në shërbimin sa më dinjitoz të shtetit.

“Nuk është mirë me thanë ne në Norvegji, leje për një kohë atë pjesë të rëndësishme të jetës tane në një anë dhe fokusoju në shërbimin sa më dinjitoz të republikës së Kosovës”, tha Tahiri./

Të tjera