Lajme

Abdixhiku: Shëndetësia në pikën e thyerjes, Qeverisë i teprojnë paratë e në spitale s’ka as penj

Autori: Gazeta inFokus 12:10 | 27 January 2023

Kryetari i Lidhjes Demokratike të Kosovës, Lumir Abdixhiku, mëngjesin e sotëm ka takuar punonjësit shëndetësorë.

Kreu i LDK-së thotë se mjekët ia kanë konfirmuar që sistemi shëndetësor është në pikë e thyerjes.

Ai thotë se klinika të tëra spitalore janë pa penj, pa dorëza, pa infuzione e pa mjete higjienike bazike, derisa në anën tjetër, Qeverisë i kanë tepruar mbi 1.3 milion euro të dedikuara për barna e material bazik gjatë vitit 2022.

-Advertisement-

“Kjo gjendje është thjeshtë e papranueshme. Kosova meriton më mirë. Kosova mundet më shumë!”, shkruan ndër të tjera Abdixhiku.

Postimi i plotë:

Pa penj, pa infuzione, pa dorëza!

Mëngjesin e së premtes e nisa me punonjës shëndetësorë të cilët ma konfirmuan atë që të gjithë e dimë tashmë; sistemi ynë shëndetësor është në pikën e thyerjes.

Klinika të tëra spitalore janë pa penj, pa dorëza, pa infuzione e pa mjete higjienike bazike. Pacientët, familjarët e tyre, duhet t’i sjellin ato me veti para operimeve e intervenimeve.

Për pacientët me kancer, në përballjen e tyre për jetë, nuk ka barna. Tani, kur kosto e jetës është e papërballueshme, ata duhet t’i blejnë ato vet.

Qeverisë, ndërsa, i kanë tepruar mbi 1.3 milion euro të dedikuara për barna e material bazik gjatë vitit 2022. Tepricë parash kur nuk ka as penj!

Kjo gjendje është thjeshtë e papranueshme.

Kosova meriton më mirë. Kosova mundet më shumë!

Subscribe në YouTube: GAZETA INFOKUSI
Rakinica e Skenderajt bëhet me rrjet të ri elektrik

Të tjera