Abdixhiku për Kurtin: Kosova sot s’ka kryeministër, por populist e paranojak
Autori: Gazeta inFokus 20:43 | 16 June 2022
Kryetari i Lidhjes Demokratike të Kosovës (LDK), Lumir Abdixhiku, ka adresuar akuza të ashpra ndaj qeverisjes së kryeministrit Albin Kurti.
Lideri i partisë opozitare ka thënë se Kosova sot s’ka kryeministër dhe as qeveri, por një populist dhe paranojak, i cili në politikat e tij vendimmarrëse frikësohet edhe nga vetja.
“Kosova sot s’ka qeveri dhe as kryeministër, ka disa populistë që në paranojën e tyre vendimmarrëse frikësohen edhe nga vetja… Në vend të politikave që përmirësojnë jetën tuaj, ne vazhdojmë të udhëhiqemi nga demagogë që politikën dhe argumentet i përdorin si populizëm, që paranojën dhe paaftësinë e kanë si rezultat. Populizmi nuk sjell çmime të përballueshme për ju, nuk sjell vende të punës, as cilësi në shërbime dhe arsim dhe shëndetësi… Sot çmimet e produkteve bazike, të shportës tuaj konsumatore, kanë marrë goditjen më të madhe në gjithë historinë dy dekadash të Kosovës së lirë. Asnjëherë më parë, inflacioni i çmimeve nuk ka arritur 13% për një vit. Asnjëherë më parë, ju nuk keni paguar 2 euro për një litër naftë. Asnjëherë më parë, faturat e energjisë suaj, nuk janë shtrenjtuar 100% dhe atë jashtëligjshëm… Ky pushtet popullist ka vendosur të dënojë qytetarët tanë vetëm pse të njëjtit kanë preferenca politike të tjera”, ka thënë ai.
Në takimin e dytë regjional në Komunën e Vitisë, Abdixhiku para qytetarëve tha se LDK-ja ka nevojë të dëgjojë zërin qytetar.
“Pjesëmarrja jonë këtu është pjesë e angazhimit partiak për të zbritur partinë në bazë dhe ndërtuar urë komunikimi që sjellin LDK-së një program cilësor dhe modern. Ne kemi ndërtuar 28 ekipe tematike, kemi angazhuar profesionist për mbledhjen e problemeve tona shoqërore dhe pastaj të del me artikulim të qartë”, tha ai.
Ndërkohë të panelin e diskutimit për arsimit, aftësimin dhe punësimin foli, deputetja Hykmete Bajrami.
Ajo tha se për arsimin nevojitet qasje e gjithëpërfshirëse dhe reformë e mirëfilltë.
“Brenga kryesore sot është cilësia në arsim. Ka kaluar koha kur qeverisja matej me kilometra të asfaltit, sot duhet të kemi një qeverisje që të sjell cilësi në arsim. Pasi cilësia sjell më shumë drejtësi dhe zhvillim ekonomik, pra reforma është e domosdoshme”, tha ajo.
Ndërsa, deputeti, Besian Mustafa, tha se ndër qëllimet primare të programit të LDK-së është arsimi.
“Programin jemi duke e përditësuar dhe një prej qëllimeve primare të programit tonë është arsimi. Ne duhet të kemi një ndërlidhje mes studimit dhe punësimit të studentëve. Qëllimi është të kemi studentë dhe gjenerata që janë të punësuara dhe jo të kemi vetëm diploma pa punësim”, tha ai.
Ndërsa anëtarja e Kryesisë së LDK-së, Jehona Lushaku, tha se cilësia e arsimit të lartë duhet të rritet.
“Arsimi i lartë ka sfida, duke filluar nga zvogëlimi i numrit të studentëve, buxhetit për ndarjen në arsim, shkencë, pasi vetëm një për qind e buxhetit të Kosovës i dedikohet shkencës”, tha ajo.
Në kuadër të hartimit të programit politik, Lidhja Demokratike e Kosovës ka filluar takimet me qytetarë në regjionet e Kosovës.
Të tjera
-
Sanduloviq: SHBA do të leshojnë urdhërarrest ndaj Aleksandar Vuçiq
Nikola Sanduloviq, kryetar i Partisë Republikane Serbe, ka shkruar të mërkurë...
-
Ky është personi që u godit nga vetura në Pejë
Ka ndërruar jetë, personi i cili u godit nga një veturë në orët e pasditës në...
-
E rëndë në Pejë: Humb jetën një person, dyshohet se u godit qëllimshëm nga një veturë
Një person ka humbur jetën në Spitalin Rajonal të Pejës, si pasojë e plagëve ...
-
Osmani takohet me Rohden, e falënderon për mbështetjen e Gjermanisë për votimin në Asamblenë Parlamentare
Ambasadori amerikan në Kosovë, Jeffrey Hovenier, e k vlerësuar produktiv taki...
-
Deri në orën 18, në Maqedoninë e Veriut votuan 47,61% e qytetarëve
Deri në orën 18:00, te Komisioni Shtetëror i Zgjedhjeve në Maqedoninë e Veriu...
-
Osmani takohet me Rohden, e falënderon për mbështetjen e Gjermanisë për votimin në Asamblenë Parlamentare
Presidentja e vendit, Vjosa Osmani, ka takuar ambasadorin gjerman në Kosovë, ...
-
Ulutash: Vetëm zgjidhje politike mes Kosovës e Serbisë, NATO mbështet dialogun e BE-së
Komandanti i KFOR-it, gjeneralmajor Ozkan Ulutash, në një video-adres...
-
Dardan Krivaça kundër të gjithëve në gjykatë: Po më shkelen të drejtat
Të mërkurën në Gjykatën Themelore të Ferizajt, ka vazhduar gjykimi kundër Dar...
-
Osmani falënderon Finlandën për mbështetje të anëtarësimit në KiE
Presidentja e Republikës së Kosovës, Vjosa Osmani, ka pritur sot në takim dep...
-
O’Brien i kërkon Kurtit themelimin e Asociacionit dhe zbatimin e marrëveshjeve
Ndihmëssekretari amerikan i Shtetit për Evropën dhe Euroazinë, James O’Brien,...
-
Kurti në takim me drejtuesin e landit gjerman, flasin për bashkëpunimin rajonal
Qëndrimi në Hannover i kryeministrit Albin Kurti, vijoi ditën e sotme me taki...
-
Incident në Prishtinë: Një burrë e fut me fo*cë një grua në veturën e saj
Një incident ka ndodhur gjatë ditës së sotme në Prishtinë. Se si ka ardhur...