Lajme

Abdixhiku: Nuk do të pranojmë një sistem Vettingu pa koordinim të plotë me BE-në dhe SHBA-të

Autori: Gazeta inFokus 07:32 | 29 October 2021

Lideri i Lidhjes Demokratike të Kosovës, Lumir Abdixhiku, ka folur për vettingun në drejtësi , për të cilën thotë se nuk do të pranojnë një sistem vettingu, që si mjet i pushtetit ta kontrollojnë këtë sistem kundër kundërshtarëve politik.

Në një intervistë me gazetarin Çim Peka, Abdixhiku thotë se do ta pranojnë një sistem vettingu në koordinim të plotë me BE-në dhe SHBA-të.

“Kur kemi biseduar me komnitetit ndërkombëtar, gjithmonë kemi thonë mos ta bëjmë si Shqipëria. Tani reforma në drejtësi është e domosdoshme. Një përdhunues i një të miture dënohet me 8 muaj burgim, dhuna ndaj grave e familjeve shkon e padënuar në pjesën më të madhe, dhe si për mrekulli i kanë si të garantuara pjesën më të madhe të shërbyesve të drejtësisë në favor të tyre në momentin që vijnë në pushtet.

-Advertisement-

Kemi probleme bazike me drejtësinë, por vettingu si mjet i përmirësimit të sistemit është domosdoshmëri, por si mjet i pushtetit për të kontrolluar këtë sistem kundër kundërshtarët politik është i pamundur dhe i padrejtë, këtë nuk do ta lejojmë. Ne do ta pranojmë një sistem vettingu me koordinim të plotë me BE-se dhe SHBA-së”, tha Abdixhiku.

Sa i përket qëndrimit të SHBA-së për vettingun në drejtësi, Abdixhiku thotë se SHBA-të ende nuk kanë ndonjë qëndrim lidhur me këtë.

“Ka një përplasje mes BE-së dhe propozimit të Qeverisë… Nuk ka një qëndrim të SHBA-së për këtë”, shtoi ai.

Subscribe në YouTube: GAZETA INFOKUSI
Etiketa:
Shkëlqim Devolli dhe Adriatik Kelmendi e presin ambasadorin amerikan, Jeff Hovenier
-Advertisement-

Të tjera

Fokusi

lajme