Lajme

Abdixhiku: Një ministër si Murati sot duhet të shkojë në shtëpi

Autori: Gazeta inFokus 13:06 | 20 October 2022

Kryetari i Lidhjes Demokratike të Kosovës, Lumir Abdixhiku, e ka kritikuar ministrin e Financave, Hekuran Muratin, në seancën e sotme që është duke u zhvilluar në Kuvend.

Sipas tij, Murati nuk di as gjërat elementare të ekonomisë dhe për këtë arsye duhet t’i marrë letrat e të shkojë në shtëpi.

Në seancën ku po diskutohet projektligji për vendosjen e çmimeve tavan në produktet bazë, ai po ashtu e ka cilësuar Qeverinë Kurti si një shtëpi e të paditurve.

-Advertisement-

“Ka kohë që provoj të kuptoj se si i marrin vendimet këta. E para ministrja e ekonomisë tha çmimi i prodhimit të peletit është 188 euro dhe po shitet 700 euro në treg. Pastaj doli ministri i Financave dhe tha një produkt që vjen 1.20 cent dhe shihet 2.20 cent”.

“Nuk e kupton ministri që në momentin që futet në doganë duhet të paguhen taksa, transporti dhe kosto të tjera”.

“Një ministër i financave si ky sot duhet t’i marrë letrat dhe të shkojë në shtëpi. Një shtëpi e paditur. Ky nuk e di se çfarë është inflacioni prej ditës që ka ardhur në pushtet”.

Subscribe në YouTube: GAZETA INFOKUSI