Lajme

Abdixhiku: Nesër duhet të mbahet seanca konstituive, Kushtetuta duhet të respektohet, shteti të funksionojë

Autori: Gazeta inFokus 12:32 | 16 April 2025

Kryetari i Lidhjes Demokratike të Kosovës, Lumir Abdixhiku, ka reaguar për seancën konstituive e cila dje dështoi për shkak të mos votimit të raportit të komisionit për verifikimin e mandateve, e që sipas ligjit seanca tjetër diuhet të mbahet jo më larg se 48 orë, shkruan Gazeta Infokus.

Ai përmes një postimi në “Facebook”, tha se se nesër, më 17 prill, në ora 10:00, duhet të mbahet seanca konstituive e Kuvendit të Republikës së Kosovës, në përputhje me afatet kushtetuese dhe Rregulloren e Kuvendit.

Abdixhiku tutje u ka bërë thirrje të gjithë deputetëve të certifikuar dhe partive parlamentare që të marrin pjesë në këtë seancë, duke theksuar se “betimi i deputetëve ndodh, Kushtetuta mbrohet, shteti funksionon.”.

-Advertisement-

“Seanca konstituive e Kuvendit të Republikës duhet të mbahet e të thirret më së largu çdo 48 orë. Nesër, nga ora 10:00, siç e parasheh Rregullorja e Kuvendit të Kosovës, deputetët e LDK-së do të jenë prezent në seancën që duhet të ndodhë. LDK-ja i fton të gjithë deputetët e certifikuar dhe të gjitha partitë parlamentare, të jenë prezent në këtë seancë.  Njëkohësisht, ftojmë kabinetin qeveritar, që pretendojnë se janë dorëhequr por ende, dhe paradoksalisht, mbajnë mbledhje qeveritare dhe marrin vendime, të dorëhiqen dhe këto dorëheqje t’i deponojnë te organet e Kuvendit të Kosovës. Të tjerët anëtarë të Qeverisë që s’janë apo s’duan të betohen si deputetë, vazhdojnë punën në Qeveri; deri në zgjedhjen e Qeverisë së re. Betimi i deputetëve ndodhë! Kushtetuta mbrohet! Shteti funksionon! Logjika dhe demokracia triumfojnë!”, ka shkruar Abdixhiku.

Ndryshe i pari i LDK-së, shtoi se zvarritjet e tjera janë veçse kalkulime politike me qëllim të dëmtimit të shtetit.

“Zvarritjet e tjera janë veçse kalkulime politike me qëllim të dëmtimit të shtetit, demokracisë dhe rendit kushtetues! Nesër, nga ora 10:00, mblidhemi në seancë.  Le të kuptohen qartë bllokuesit institucional e mosrespektuesit e Rregullores, Ligjit e vet Kushtetutës!”, ka shkruar tutje Abdixhiku./Gazeta Infokus/

Subscribe në YouTube: GAZETA INFOKUSI
Super Zbritje në Artmotion
-Advertisement-

Të tjera

Fokusi

lajme