Lajme

Abdixhiku në Istog, thotë se LDK është shembulli më i mirë i demokracisë në vend

Autori: Gazeta inFokus 15:28 | 18 September 2022

Kryetari i Lidhjes Demokratike të Kosovës, Lumir Abdixhiku ka parrë pjesë në Kuvendin zgjedhor të degës së LDK-së në Istog.

Në këtë kuvend, delegatët kanë zgjedhur për kryetar dege, Ilir Feratin, njëheresh kryetar aktual i komunës së Istogut.

Abdixhiku në fjalën e tij tha se LDK është shembull më i mirë i demokracisë në vend dhe se zgjedhjet për LDK-në janë gjithmonë festë.

-Advertisement-

Njoftimi i plotë i LDK-së:

Sot u mbajt Kuvendi i jashtëzakonshëm zgjedhor i Degës së LDK-së në Istog, me ç’rast delegatët e këtij kuvendi me unanimitet të plotë zgjodhën për kryetar të Degës z. Ilir Ferati, njëherit kryetar aktual i Komunës së Istogut.

Në këtë kuvend i pranishëm ishte edhe kryetari i LDK-së, Lumir Abdixhiku me bashkëpunëtorë. Kryetari Abdixhiku, në fjalën e tij para delegatëve tha se LDK është shembulli më i mirë i demokracisë në vend dhe se zgjedhjet për LDK-në janë gjithmonë festë. Zgjedhjet e jashtëzakonshme në Istog, megjithatë vijnë pas ndërrimit jetë të kryetarit të mëparshëm, Haki Rugova. Kryetari Abdixhiku, vlerësoi lart kontributin e të gjithë strukturave, aktivistëve dhe veprimtarëve të Degës së LDK-së në Istog, puna e të cilëve tha se e ka bërë këtë shtëpi tonën të njeh veç fitore.

Kryetari i sapozgjedhur i Degës së LDK-së në Istog, Ilir Ferati, pasi që falënderoi delegatët për besimin e dhënë, theksoi se angazhimi dhe përkushtimi i tij do të jetë permanent, ku shtoi se LDK mbetet e hapur për profesionistë e profesioniste të të gjitha niveleve.

Në këtë Kuvend, strukturave partiake iu bë thirrje për mobilizim të vazhdueshëm në kuadër të ciklit të ri të takimeve nëpër gjithë Kosovën.

Subscribe në YouTube: GAZETA INFOKUSI