Lajme

Abdixhiku: Mosliberalizimi i vizave është lajm hidhërimi

Autori: Gazeta inFokus 22:21 | 23 June 2022

Lideri i LDK-së, Lumir Abdixhiku ka reaguar pas samitit të sotëm të BE-së në Bruksel, derisa tha se mosliberalizimi i vizave është lajm hidhërimi që vendi ynë nuk e meriton.

Sipas tij, tani është radha e vendeve të BE-së që t’i japin Ballkanit Perëndimor vizion të qartë, e Kosovës liberalizim vizash.

“Mosliberalizimi i vizave është lajm hidhërimi që vendi ynë nuk e meriton dot. Përpjekja për liri të lëvizjes për qytetarët tanë, duhet të jetë angazhim i përbashkët i secilit patriot që synon ankorimin e Kosovës në bashkësinë e kombeve të lira, demokratike e prosperuese, në familjen euroatlantike. LDK, këtë rol do ta ushtrojë. Prandaj një muaj më parë, së bashku me eurodeputetë e delegatë të EPP, nxorrëm një rezolutë që kërkonte mu këtë. Do të bëjmë rolin tonë mbështetës kudo që mundemi, sa herë që mundemi”, shkroi Abdixhiku në Facebook.

-Advertisement-

Tutje ai the se çdo përfundim ndryshe nga ky samit, është inkurajim i forcave destabilizuese në Ballkan.

“Tani është radha e vendeve të BE-së t’i japin Ballkanit Perëndimor vizion të qartë e të guximshëm – Kosovës, minimalisht liberalizim vizash. Çdo përfundim ndryshe nga ky Samit, është inkurajim i forcave destabilizuese në Ballkan”.

Subscribe në YouTube: GAZETA INFOKUSI

Të tjera

Fokusi

lajme