Abdixhiku: Ky është çmimi i paaftësisë e neglizhencës, ne jemi në krizë dhe në këtë krizë nuk kemi Qeveri
![](https://gazetainfokus.com/wp-content/uploads/2022/03/26_02_2020_2264803_746B854331-852x460.jpg)
Autori: Gazeta inFokus
18:20 | 10 March 2022
Kryetari i Lidhjes Demokratike të Kosovës, Lumir Abdixhiku ka thënë se çmimi i vajit rritet në rekord botëror, sepse fiksimet e mashtruese, sipas tij, s’ka kush t’i kontrollojë.
Ai ka thënë se sot bëhen 10 muaj që kur Qeveria siç shkruan ai praktikante e Kurtit e ka lënë këtë institucion pa Bord, rrjedhimisht pa njerëz që nisin hetime apo marrin vendime në kohë krizash si sot.
Kreu i LDK-së shkruan se ky është çmimi i paaftësisë e neglizhencës.
“Është çmim i braktisjes së detyrave bazike shtetërore. Ne jemi në krizë. Dhe në këtë krizë nuk kemi Qeveri. Paralajmërimet e ngritura me kohë s’dëgjohen e rekomandimet e dhëna injorohen”, ka shkruar ndër të tjera Abdixhiku.
Postimi i plotë i kryetarit të LDK-së:
Çmimi i vajit rritet në rekord botëror, sepse fiksimet e mashtruesve s’ka kush t’i kontrollojë. S’ka kush t’i kontrollojë sepse në njërën anë inspektorët e shtetit nuk janë askund; e në anën tjetër Autoriteti i Konkurrencës është i paralizuar e pa funksion. Sot bëhen 10 muaj që kur Qeveria praktikante e Kurtit ka lënë këtë institucion pa Bord, rrjedhimisht pa njerëz që nisin hetime apo marrin vendime në kohë krizash si sot.
Ky është çmimi i paaftësisë e neglizhencës. Është çmim i braktisjes së detyrave bazike shtetërore. Ne jemi në krizë. Dhe në këtë krizë nuk kemi Qeveri. Paralajmërimet e ngritura me kohë s’dëgjohen e rekomandimet e dhëna injorohen.
– Më 3 shkurt, si LDK kemi paralajmëruar Qeverinë për marrjen e masave në sigurim të grurit para shperthimit të agresionit rus në Ukrainë. Asnjë reagim.
– Më 16 shkurt i kemi kërkuar Qeverisë të ofrojë një paketë masash fiskale që targetojnë inflacionin e lartë – më të lartin historik – në Kosovë. Asnjë reagim.
– Më 21 shkurt i kemi kërkuar Qeverisë të funksionalizojë sa më parë Autoritetin e Konkurrencës si preventivë për manipulimet e mundshme të çmimeve; me të njëjtat që po ballafaqohemi sot. Asnjë reagim.
– Këtë javë, kemi dhënë rekomandime konkrete mbi masat që duhet marrë për zbutjen e përballueshmërisë; me theks të veçantë në reduktimet e TVSH-së e akcizës mbi derivate fillimisht e më pas dhe në produktet bazike. Rekomandimet tona u mbështetën nga të gjithë, përveç Qeverisë. Asnjë reagim.
Mosreagueshmëria është pjesëmarrje në krizë. Qeveria, si ankuese e vështruese e krizës, po kontribuon në krizë!
![](https://gazetainfokus.com/wp-content/uploads/2023/12/Screenshot_5-2.png)
Të tjera
-
KFOR-i bën patrullime në Leposaviq: Në mbështetje të sigurisë në mbarë Kosovën
Misioni i NATO-s në Kosovë, KFOR, ka njoftuar se pjesëtarë të saj nga Kom...
-
Haki Abazi: Kjo legjislaturë do të mbahet mend për aferën “Zdravo Radoiçiq”
Deputeti Haki Abazi, ka reaguar pas dekretimit të datës së zgjedhjeve nga pre...
-
Krejt çka dihet për vrạsjen në Bibaj të Ferizajt
Një 89-vjeçar mbrëmjen e së premtes shkoi për gëzim në Bibaj të Ferizajt, pa ...
-
Vdẹs një 56-vjeçar në Suharekë, policia po e heton rastin
Një 56-vjeçar është dërguar në emergjencën e Suharekës pas mesantës, ku pasta...
-
Kurti viziton Ulpianën antike: Kjo pasuri paraqet një potencial të jashtëzakonshëm për zhvillim të turizmit
Në Ulpianën antike, aty ku vitin e kaluar u zbulua një mbishkrim i veçantë, i...
-
Mehaj kujton Çekun: Gjeneral Skënderi ishte strategjia, zemra dhe motori i UÇK-së
Ish-ministri i Mbrojtjes, Armend Mehaj ka kujtuar Skënder Çekun, në përvjetor...
-
Mbi 2 mijë gjoba trafiku u shqiptuan për një ditë në Kosovë
Policia e Kosovës, për 24 orë në Kosovë ka shqiptuar 2 mijë e 479 gjoba trafi...
-
Lia e Majmunëve, IKSHPK me disa këshilla për udhëtarët nga Kosova në vendet e Afrikës
Instituti Kombëtar i Shëndetit Publik në Kosovë (IKSHPK) përmes një njoftimi ...
-
Armạtimi e pajisjet ushtarake që u gjetën dje në Banjskë ishin fshehur në banjon e hotelit, Policia jep detaje
Armatimi që u gjet dhe konfiskua dje në Banjskë të Zveçanit ishte i fshehur n...
-
Vdẹs një burrë në Klinë, u gjend me plạgë nga ạrma e gjuetisë
Një burrë është gjetur i vdekur në oborrin e shtëpisë së tij në Klinë. Sip...
-
Raportohen të zhdukura dy të mitura në Gjilan
jë burrë i ka raportuar në Polici dy vajzat e tij si të zhdukura. Ai ka th...
-
Deri në 5 orë pritjet për të dalë nga Kosova
Ende po vazhdojnë pritjet e gjata kufitare në dalje të Kosovës. Sipas Qend...