Lajme

Abdixhiku hedh poshtë akuzat se LDK po planifikon koalicion me PDK-në dhe Listën Serbe

Autori: Gazeta inFokus 09:51 | 20 Qershor 2025

Kryetari i Lidhjes Demokratike të Kosovës (LDK), Lumir Abdixhiku, ka mohuar kategorikisht akuzat se subjekti që ai drejton është duke planifikuar një koalicion me Partinë Demokratike të Kosovës (PDK) dhe Listën Serbe, shkruan Gazeta Infokus.

Në një intervistë në emisionin Debat Plus, Abdixhiku deklaroi se ndonëse ekziston mundësia numerike për krijimin e një shumice qeverisëse, LDK-ja nuk ka ndërmarrë asnjë hap drejt një koalicioni të tillë.

“Le të jem shumë i kujdesshëm, pa rënduar politikisht askënd. Por figura të tilla, përveç që janë paedukatë në shumicën e rasteve, kanë edhe mungesë të theksuar të inteligjencës – sepse nuk dinë çfarë flasin. Po të donte LDK-ja të bënte koalicion me PDK-në dhe Listën Serbe, siç po thuhet, këtë mundësi e kemi. Sot i kemi 70 vota. Me Listën Serbe bëhen 79”, u shpreh ai.

-Advertisement-

Kreu i LDK-së gjithashtu komentoi iniciativën e Aleancës për Ardhmërinë e Kosovës (AAK), e cila më 12 maj dorëzoi në Gjykatën Kushtetuese kërkesën për vlerësimin e kushtetutshmërisë së formimit të Komisionit për Votim të Fshehtë për zgjedhjen e Kryetarit të Kuvendit.

Abdixhiku theksoi se LDK-ja do të respektojë vendimin e Gjykatës Kushtetuese, pavarësisht përmbajtjes së tij.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy