Lajme

Abdixhiku: Fitër Bajrami kurorëzon përpjekjet e të gjithë atyre që besojnë në Krijuesin

Autori: Gazeta inFokus 11:21 | 21 April 2023

Kryetari i LDK-së, Lumir Abdixhiku ka uruar qytetarët në rastin e festës së Fitër Bajramit.

Abdixhiku përmës Facebook-ut ka shkruar qe le të vazhdojmë të forcojmë edhe më tej këtë ndjenjë që muaji i shenjtë dhe festa e Fitër Bajramit na mësojnë.

Postimi i plotë:

Me fat Fitër Bajrami të dashur besimtarë. Lutje dhe agjerim të pranuar për të gjithë ata që kaluan një muaj sakrifice sprovuese nën shenjën e Zotit.

Festa e Fitër Bajramit i kurorëzon përpjekjet e të gjithë atyre që besojnë në Krijuesin; që kanë përshkuar udhëtimin shpirtëror njëmujor, e që ia kanë dalë mbanë të jenë bërë më të virtytshëm, më të mëshirshëm dhe më zemërgjerë.

Le të vazhdojmë të forcojmë edhe më tej këtë ndjenjë që muaji i shenjtë dhe festa e Fitër Bajramit na mësojnë. Atë të solidaritetit, të harmonisë e të kujdesit ndaj tjetrit.

Në veçanti, le të kujdesemi ndaj atyre në nevojē.Shëndet, paqe e begati për ju e familjet tuaja; për gjithë atdheun tonë!



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

Etiketa:
Përtej ZBRITJEVE në Viva Fresh Store!

Të tjera

Fokusi

lajme