Lajme

Abdixhiku e merr shembull Bidenin: Kurti refuzon, por s’ka zgjidhje tjetër për naftën përveç propozimit të LDK-së

Autori: Gazeta inFokus 10:22 | 23 June 2022

Kryetari i LDK-së, Lumir Abdixhiku ka njoftuar për propozimin e presidentit të SHBA-së, Joe Biden për heqjen e taksës në naftë për tre muaj, duke treguar se si kryeministri i Kosovës, Albin Kurti po e refuzon një propozim të njëjtë të dhënë nga LDK-ja në mars.

“Presidenti i SHBA-ve, i ekonomisë më të fuqishme në botë, Joe Biden, i ka nisur dje Kongresit Amerikan propozimin për heqjen e taksës në naftë për tre muajt e ardhshëm; si masë e domosdoshme e stabilizimit të çmimeve të gjithëmbarshme. Kryeministri i ekonomisë më të varfër në Evropë, Kurti, vazhdon të refuzojë propozimin tonë të 7 marsit për masë krejtësisht të ngjashme – reduktimin e akcizës dhe TVSH për tre muajt e ardhshëm”, shkroi ai.

Abdixhiku tha se s’ka tjetër përveç propozimit të LDK-së.

-Advertisement-

“Kokëfortësia, paranoja e refuzimi i propozuesit e jo propozimit s’janë zgjidhje në politikë. Kosova ka nevojë për lidership në momente krize; jo teke të tilla. Mund të vonoheni, të bëni dëme edhe më shumë, por zgjidhje tjetër – përveç propozimit të LDK-së – s’keni si zëvendësim”, shkroi ai.

Abdixhiku përmendi se “qeveritë e Gjermanisë, Anglisë, Italisë, Holandës, Belgjikës, Suedisë, Polonisë, Portugalisë, Irlandës, Hungarisë, Kroacisë e Sllovenisë – tashmë kanë reduktuar akcizën dhe TVSH-në në naftë e derivate”.

“Këtë të hënë, në debatin parlamentar të kërkuar nga LDK, është koha që edhe Kosova – me qytetarë me standard shumëfish më të ulët për krahasim – të rreshtohet prapa një politike të tillë”, shkroi Abdixhiku.

Subscribe në YouTube: GAZETA INFOKUSI

Të tjera

Fokusi

lajme