Lajme

Abazoviq e konfirmon se a do të jap dorëheqje

Autori: Gazeta inFokus 21:27 | 20 July 2022

Kryeministri i Malit të Zi, Dritan Abazoviq deklaroi në Kuvend se nuk do të japë dorëheqje. Ai po ashtu thotë se për shkak të mbijetesës së Qeverisë nuk është i gatshëm të bëjë kompromise në dëm të shtetit malazez.Ai ka thënë se ri-konfigurimi i Qeverisë apo qeveria teknike janë opsione plotësisht legjitime.

Deputeti socialdemokrat Damir Shehoviq e pyeti Abazoviqin nëse do të jepte dorëheqje, pasi humbi mbështetjen e shumicës parlamentare që e zgjodhi.I pari i qeverisë malazeze iu përgjigj Shehoviqit se ai nuk do të jap dorëheqje.

“Nuk do të jap dorëheqje. Do të udhëheq qeverinë evropiane deri në momentin që parlamenti të vendosë të kundërtën pa tension”, tha kryeministri.Ai tha se nuk e ka problem që mandati i tij të jetë më i shkurtri në historinë e qeverive malazeze.

“Tashmë kam hequr dorë nga një karrige për të ndihmuar rrugën evropiane të Malit të Zi”, u përgjigj Abazoviq.Kryeministri theksoi gjithashtu se shpallja e zgjedhjeve të jashtëzakonshme parlamentare gjithashtu nuk përbën problem.

Ndryshe, Gjukanoviq dhe Abazoviq gjatë ditës së djeshme janë takuar dhe kanë tejkaluar mosmarrëveshjet rreth bashkëqeverisjes.

Të tjera

Fokusi

lajme