Të shumta janë momentet kur përfaqësuesit e popullit nuk arrijnë të kontrollojnë gjuhën që përdorin gjatë seancave të Kuvendit të Kosovës.

‘Po rren’, ‘kriminel’ e fjalë të tjera fyese pothuajse janë pjesë e çdo mbledhje, shkruan Infokusi.com.

E jo rrallë herë protagonist i fjalëve degraduese është vet kryetari i Kuvendit të Kosovës, Kadri Veseli. Ai shpesh ‘tradhtohet’ nga mikrofoni.

Rasti i fundit është i seancës të së hënës në të cilën Veseli gjatë debatit me deputeten e Vetëvendosjes, Drita Millaku, i ishte drejtuar asaj me fjalët ‘“A e përdorë me gojë shumë a?.

Analisti politik, Haki Abazi në një prononcim për Infokusin, duke komentuar gjuhën e përdorur në Kuvend ka thënë së ka arritur në shkallën e rrugaçëve ndërsa ka shtuar se nga ta nuk mund të pritet më mirë.

‘As që mund të pritet ndonjë standard i përdorimit të gjuhës. Komunikimi në Parlament ka degraduar në gjuhë të rrugaçeve dhe palaçove’, ka thënë ai.

Abazi ka shtuar gjithashtu se përsëritja e disahershme e gjuhës së tillë po e zvogëlon besimin e qytetarëve në përfaqësuesit e tyre

‘Kjo nuk është hera e parë dhe duke qenë se parlamentaret as nuk ju nënshtrohen normave morale e as atyre ligjore kjo gjuhë po vazhdon të përdoret dhe po e zvogëlon edhe me tutje besimin e qytetareve ne përfaqësuesit institucional’, ka thënë Abazi.

Duke i quajtur analfabetë, Abazi ka thënë se duhet kërkuar llogari nga të zgjedhurit e popullit për gjuhën dhe veprimet e tyre.

‘ Sinqerisht është e pakuptimtë se si këta njerëz në këtë profil analfabetesh janë në institucione. Është për brengosje të thellë se si mund të ju besohet serioziteti i funksionimit të shtetit këtyre individëve të papërgatitur dhe të papërgjegjshëm. Është koha qe të gjithë pa dallim përcaktimi politik e gjinor të kërkohet llogari për të ngritur standardin e sjelljes dhe llogaridhënies’, ka përfunduar Abazi.

Kujtomë që javë më parë kur po mbahej seanca për votimin e Demarkacionit, kryetari i Kuvendit, Kadri Veseli u dëgjua derisa përdori fjalë fyese ndaj deputetit të VV-së, Xhelal Sveçla.

‘“Ta q***** robt, ta q*****”, tha Veseli në momentin që Sveçla hodhi gaz lotsjellës për pamundësimin e mbajtjes së seancës.

E këto nuk janë rastet e vetme. Veseli në 2015-ën gjatë një seance i është drejtuar deputetes së Vetëvendosjes, Albulena Haxhiu me fjalët ‘Ma hongsh’, por që në këtë rast Veseli u tregua më i shkathët duke fikur menjëherë mikrofonin për të mos u kuptuar nga publiku vazhdimi i fjalisë.

Të gjithë këto përfunduan me kërkim falje në rrjete sociale./INFOKUSI

Comodita në Gjermani shpalos koleksionin e produkteve të reja në panairin Heimtextil në Frankfurt

Sponsoruar