Lajme

Abazi del kundër Kurtit, kërkon që vendimi për targat të shtyhet

Autori: Gazeta inFokus 10:35 | 28 October 2022

Kryetari i Komisionit për Punë të Jashtme dhe Diasporë, Haki Abazi, në një konferencë për media ka thënë se afati për targat të shtyhet deri më 31 dhjetor të këtij viti, shkruan Gazeta Infokus.

Kjo sipas tij, të zhvillohet procesi i Berlinit si dhe mos të ketë tensione në veri të Kosovës, pasi që siç thotë ai 3 nëntori është datë me rëndësi.

“Pas një procesi 10 vjeçar të një dialogu që ka prodhuar shumë pak, në anën tjetër e kemi Serbinë që ka qëndruar me Rusinë, jemi në një udhëkryq shumë të madh, 3 nëntori është një datë e një rëndësisë së veçantë dhe e vendos rajonin në binaret drejt integrimit Evropian”.

-Advertisement-

Gjithashtu, deputeti i LVV-së tha se pozicioni i Kosovës për targat është i drejtë dhe i merituar, por që sipas tij qytetarëve i duhet më shumë lëvzja e lirë.

“Pozicioni ynë për targat sot në parim është i drejtë dhe i merituar. Më shumë se sa targat e serbëve na duhet lëvizja e lirë e qytetarëve tanë. Më shumë se tri dekada qytetarëve tanë i është ndaluar udhëtimi në drejtim të Bosnje Hercegovinës”, ka thënë Abazi./Gazeta Infokus/

Subscribe në YouTube: GAZETA INFOKUSI