Lajme

“A vajtuat boll?”, Klinaku për rastin në Shtërpcë: Askush s’e foli një fjalë për shqiptarin që e mbytën në burg të Serbisë

Autori: Gazeta inFokus 14:31 | 07 January 2023

Nga Organizata e Veteranëve të Luftës kanë reaguar për incidentin e djeshëm në Shtërpcë ku mbetën të plagosur dy persona të nacionalitetit serb.

Sekretari i kësaj organizate, Faton Klinaku në një postim në Facebook i ka quajtur “të mjerë” politikanët, zyrtarët e shoqërinë civile për reagimet e tyre që sipas tij tregojnë se rastit iu bë gjykim nga ata.

“Interesant nga ju, nuk e folët asnjë fjalë për atë shqiptarin që e mbytën në burg të Serbisë, e bash për atë është dashur të merret politika e shtetit tonë dhe ndërkombëtarët, për t’i dërguar Serbisë edhe notë proteste”, shkroi ai.

-Advertisement-

Ai ka përmendur edhe rastin kur barrikadat me njerëz të armatosur në veri u quajtën “paqësore”.

“Me rastin në Shtërpcë natyrisht që merret shteti me organet e drejtësisë, që të zbardhet e vërteta se a i është zënë rruga pjesëtarit të FSK-së apo jo, se a e ka bërë aktin në vetëmbrojtje apo jo, dhe fajtori shpallet vetëm kur gjyqësia e shkallës së prerë e konstaton atë”, shkroi ai.

Postimi i plotë:

A vajtuat mjaft o të mjerë politikanë e zyrtarë, shoqëri civile etj, vendor e ndërkombëtar, duke e bërë gjykimin ju!
Interesant nga ju, nuk e folët asnjë fjalë për atë shqiptarin që e mbytën në burg të Serbisë, e bash për atë është dashur të merret politika e shtetit tonë dhe ndërkombëtarët, për t’i dërguar Serbisë edhe notë proteste.

I quajtët edhe barrikadat me njerëz të armatosur në veri se janë protestues protestues paqësor.

Me rastin në Shtërpcë natyrisht që merret shteti me organet e drejtësisë, që të zbardhet e vërteta se a i është zënë rruga pjesëtarit të FSK-së apo jo, se a e ka bërë aktin në vetëmbrojtje apo jo, dhe fajtori shpallet vetëm kur gjyqësia e shkallës së prerë e konstaton atë.

Shpreh keqardhje për atë që ndodhi në Shtërpcë, kërkoj drejtësi pa anime politike e të plagosurve ju dëshiroj shërim të shpejtë.

Poshtë standardet e dyfishta.

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme