Lajme

A u rrah nga protestuesit kryeshefi i Trepçës, flet kryetari i Këshillit Grevist

Autori: H. Smajli 16:06 | 18 October 2021

Minatorët e Trepçës po protestojnë që nga dita e premte në lidhje me disa kërkesa e pakënaqësi të  tyre për të cilat ende si duket nuk u është bërë zgjidhje.

E për këtë nga protesta e sotme përballë Trepcës u raportua se është sulmuar fizikisht, ushtruesi i ri i detyrës së kryeshefit, Enis Abdurrahmani.

Ndërsa kryetari i Këshillit grevist Ragip Istrefi, në një deklaratë për Gazetën Infokus nuk e ka mohuar dhe as pohuar që të ketë ndodhur kjo.

-Advertisement-

“Protesta ka filluar prej të premtes, nuk e di janë disa probleme tonat të minierës të punëtorëve të cilat kemi dashtë me i sqaruar mirëpo ka ndodhë ajo që ka ndodhë, aty brenda s’ka ndodh asgjë kanë qenë edhe dy policë brenda aty. Kemi bisedu sa kemi bisedu dhe jemi dalë kur kemi dalë policia na kanë rrethu neve në derë aty çka jemi kanë brenda, nuk e di kush kënd e ka sulmuar”, ka thënë ai.

Mirëpo sipas tij ai nuk ka parë asgjë dhe nuk ka parë as nëse është sulmuar dikush fizikisht, shkruan Gazeta Infokus.

“Për që është sulmuar kryeshefi nuk e di, brenda kam qenë me të në biseda janë ardhë policia aty kanë qenë policia aty kanë qenë kamerat në prezencë timen nuk është sulmuar askush. Knej ka qenë tollovi diçka por unë s’kam parë asgjë. Mandej për këtë nuk di çka me të thanë se mrena kam qenë”, ka përfunduar kryetari i Këshillit Grevist të Trepcës.

Kujtojmë se greva e protesta të tilla në Trepçë janë të shpeshta, por si duket kësaj here kanë përfunduar edhe në sulme fizike./Gazeta Infokus/

 

Subscribe në YouTube: GAZETA INFOKUSI
Etiketa:
BKT Kosova vlerësohet për herë të tretë "Banka e Vitit 2023 në Kosovë" nga The Banker
-Advertisement-

Të tjera

Fokusi

lajme