Sport

A u dëmtua Drita ndaj Ulpianës – VAR nuk reagoi në rastet e penalltisë

Autori: Gazeta inFokus 23:09 | 15 October 2021

Drita nuk ka arritur më shumë se një barazim nga udhëtimi në Lipjan përballë Ulpianës 1-1. Marko Simonovski realizoi një gol të bukur me kokë për mysafirët, derisa Egzon Qerimi shënoi nga gjuajtja e lirë në mënyrë maestrale për 1-1.

Ishte një ndeshje shumë e mirë nga dy skuadrat, por që Drita ka mbetur e dëmtuar nga gjykimi në këtë takim.

Rasti i parë ishte ai i minutës së 18-të, kur Agim Zeka u fut mirë në zonë dhe tentoi pasimin tek Hamdi Namani, derisa mbrojtësi vendas luajti me dorë brenda zonës, por gjyqtari Visar Kastrati nuk akordoi penallti dhe edhe më i çuditshëm ishte fakti se VAR-i nuk sinjalizoi fare.

-Advertisement-

Futbollistët e Dritës kërkuan 11 metërsh, por gjyqtari Kastrati nuk deshi të dëgjoj për protestat e tyre dhe me apo pa dashje nuk shikoi VAR-in për rastin në fjalë. Momenti i dytë kur gjilanasit u dëmtuan rëndë në këtë sfidë ishte në minutat e fundit të ndeshjes.

Një harkim i mirë në zonë bëri që portieri i vendasve Armend Blakcorri të rrëzohet në zonë pa u penguar nga askush, derisa gjyqtari Kastrati çuditërisht akordoi faull në të.Nga ky rast mbrojtësi i gjilanasve, Ilir Blakcorri shënoi gol, por ndeshja vetëm se ishte ndërprerë nga gjyqtari Kastrati që nuk lejoi përparësi të aksionit pastaj ta shikoj VAR-in.

Gjithsesi ndeshja tanimë ka përfunduar, por gjyqtari Visar Kastrati dhe VAR-i në të cilin ishin Burim Jahmurataj dhe Lumturije Muhadri nuk reaguan fare duke dëmtuar rëndë klubin gjilanas në dy raste.Mbetet të shihet nëse FFK do të marrë masa për gjyqtarët e kësaj ndeshje dhe ata që ishin në VAR pas këtyre dy gabimeve që ishin të rënda.

Subscribe në YouTube: GAZETA INFOKUSI

Të tjera

Fokusi

sport