Lajme

A morën paga policët serbë të dorëhequr në nëntor?

Autori: Gazeta inFokus 13:00 | 27 January 2023

Ministri i Financave, Hekuran Murati nuk e di se a janë paguar policët serbë të veriut për muajin nëntor, ndonëse kishin lënë punën.

Në konferencën për media, ministri Hekuran Murati është pyetur se a i janë dhënë pagat e plota policëve të Mitrovicës së Veriut, për vitin nëntor të 2022-s, edhe pse në filliim të muajit ata kishin dhënë dorëheqje.

Ministri ka thënë se nuk ka informacion nëse ata policë janë paguar për muajin që s’kanë qenë në punë, duke thënë se MF-ja vetëm i ekzekuton pagat.

-Advertisement-

“Sa i përket çështjes së policëve, edhe këtë më duhet ta shohë. Çdo listë e pagave që vjen, procesohet në institucionin përkatës, e cila e bën vlerësimin e punës, apo pjesëmarrjes në punë për secilin prej personelit. Ministria e Financave dhe Thesari i ekzekuton. Nuk mund të jap përgjigje për rastin konkret, sepse nuk e di”, ka thënë Murati.

Ai tutje ka folur për konkursin e hapur për zëvendësimin e policëve në komunat veriore të vendit, që lanë detyrën në fillim të nëntorit.

Përgjigjja e Muratit nuk ishte e qartë për gazetaren që e pyeti, ndërsa Ministri i Financave i sugjeroi asaj që të komunikojë me Ministrinë e Punëve të Brendshme për të marrë vesh se a janë paguar policët e Mitrovicës së Veriut për muajin që nuk ishin në punë.

“Duhet të konsultoheni me Ministrinë e Punëve të Brendshme, se kur është data kur janë hequr nga lista e pagave”, tha ministri.

Shpërndaje

Subscribe në YouTube: GAZETA INFOKUSI

Të tjera

Fokusi

lajme