A ka variant të ri të COVID-19 në Kosovë, 30 mostra dërgohen në Berlin për verifkim
Autori: Gazeta inFokus 17:24 | 17 January 2021
Nesër dërgohen 30 mostra në Berlin për të verifikuar se a ka variant të ri të COVID-19 në Kosovë.
Derisa në shumë shtete kanë filluar të përhapen disa variante të reja të virusit COVID-19, në Kosovë nuk dihet ende nëse ka raste të infektuara edhe me këto variante. Kjo pasi një variant tjetër pos atij që ka qenë i pranishëm, nuk mund të detektohet në vend. Kësisoj, mostrat e marra nga pacientët duhet të dërgohen për verifikim në shtetet tjera. 30 mostra pritet të dërgohen në Berlin ditën e nesërme, raporton Gazeta Express.
30 mostra të zgjedhura në mënyrë të rastësishme, do të dërgohen të hënën në një laborator në Berlin, për të parë nëse ndonjë variant tjetër i virusit COVID-19 është duke qarkulluar në Kosovë.
Derisa verifikimi i ndonjë varianti tjetër të këtij virusi nuk mund të bëhet në vend, Organizata Botërore e Shëndetësisë, po e ndihmon Kosovën që mostrat t’i dërgojë në shtetet tjera.
Drejtori i Departamentit të Mikrobiologjisë në Institutin Kombëtar të Shëndetit Publik, Xhevat Jakupi, ka thënë për Express, se kanë mbledhur në mënyrë të rastësishme 40 mostra, por që rreth 30 prej tyre do të dërgohen ditën e nesërme në Berlin.
Ai ka theksuar se nuk kanë informacione se kur do të marrin përgjigje për këto mostra.
“Mostrat janë zgjedhur në mënyrë të rastësishme. Ne kemi mbledhur 40 mostra, por zakonisht nuk lejojnë që të dërgohen shumë, andaj po shohim mundësinë për dërgimin e 30 mostrave. Ato do të dërgohen në Universitetin “Charite” në Berlin, i cili është një nga laboratorët referent të OBSH-së. Ne nuk kemi informatë për sa kohë do të na kthejnë përgjigje, varet se si ata do ta procesojnë këtë”, ka thënë ai.
Jakupi ka treguar se për dërgimin e mostrave jashtë vendit kanë aplikuar para disa javëve, dhe se të gjitha shpenzimet rreth transportit të tyre do të mbulohen nga Organizata Botërore e Shëndetësisë.
“Të gjitha shpenzimet rreth transportit i mbulon një program i OBSH-së, për dërgim të mostrave për grip dhe koronavirus. Për këtë arsye është vetëm një kompani e licencuar dhe ne kemi aplikuar para disa javëve. Të hënën e kanë konfirmuar se do të vijnë në laborator do t’i marrin dhe do t’i dërgojnë atje me aeroplan”, ka theksuar ai.
I pyetur nëse po punohet që mostrat e dyshuara të mund të verifikohen edhe në Kosovë, Jakupi ka thënë se një gjë e tillë nuk është prioritet.
Ai është shprehur se ende nuk ka informacione se variant i ri paraqet një pasqyrë më të rëndë klinike, ose ka vdekshmëri më të madhe, andaj edhe nuk ka ndonjë rol të posaçëm.
Tutje ai ka thënë, se edhe muajin e ardhshëm mund t’i dërgojnë disa mostra jashtë vendit.
“Ende nuk ka asnjë informatë se ky variant paraqet ndonjë pasqyrë më të rëndë klinike, që shkakton vdekshmëri më të madhe, ose që nuk ndikon vaksina ndaj tij. Nuk ka ndonjë rol të posaçëm. Për momentin ne diagnostikojmë si me variant si pa variant, andaj të shohim se si po dalin rezultatet. Ne mund t’i dërgojmë përsëri disa mostra në muajin e ardhshëm”, ka shtuar ai.
Varianti i ri i koronavirusit, që fillimisht u zbulua në Britani është përhapur edhe në shumë shtete tjera.
Mutacioni i ri i COVID-19 mendohet të jetë 70 për qind më i transmetueshëm.
Ndërsa, tashmë një lloj tjetër i ri i COVID-19 është përhapur edhe në Afrikën e Jugut si dhe në Japoni.
Të tjera
-
Mbesa e kosovarit të burgosur në Serbi: Nuk e dimë si është trajtuar
Ministria e Punëve të Jashtme dhe Diasporës e Kosovës, ka konfirmuar arrestim...
-
Beogradi i cakton 30 ditë paraburgim kosovarit të arrestuar para dy ditësh në kufi, MPJ thotë se i është keqësuar shëndeti
Ministria e Punëve të Jashtme dhe Diasporës e Kosovës, ka konfirmuar arrestim...
-
Lajçak: Mandati im si ndërmjetës deri më 31 gusht – me lidershipin e ri të BE’së nis një fazë e re e procesit
Miroslav Lajçak së shpejti do ta lë postin e emisarit special të BE’së për Ba...
-
Vetëaksident tek Llesna në Prishtinë (PAMJE)
Një vetëaksident trafiku ka ndodhur para pak minutave tek Llesna në Prishtinë...
-
Vrąsja e intelektualëve të Mitrovicës 25 vjet më parë, Kurti: Serbia ua mohon familjeve të drejtën për të ditur të vërtetën
Kryeministri i Kosovës, Albin Kurti ka kujtuar zhdukjen e intelektualëve të M...
-
Anulohet pjesëmarrja e Kurtit në tubimin e opozitës së Maqedonisë së Veriut sonte në Berlin, çfarë ndodhi?
Bekim Qoku Këshilltar i Jashtëm Politik të Kryeministrit Albin Kurti për marr...
-
Murati: Marrëveshjet e deritanishme janë marrë vetëm me serbët e Kosovës
Kryetari i Lëvizjes për Bashkim, Valon Murati, ka thënë se deri më tani, marr...
-
Ky është rreshteri i NJRSH-së që u suspendua nga IPK-ja, dyshohet se e rrahu keq një qytetar
Sedat Ramdani, rreshter në Njësinë e Reagimit të Shpejtë në rajonin e Prizren...
-
17 vjeçari e th*rr me thíkë një person në Ferizaj, arrestohet brenda dy orëve
Sot në ora 17:47 policia rajonale e Ferizajt pranoi një informatë se në udhëk...
-
Durmishi i përgjigjet Pal Lekajt: Pse po rren?
Zëvëndësministri i Infrastrukturës, Hysen Dumishi, i ka reaguar ish-ministrit...
-
Stano: Arrestimi i zyrtarëve policorë të Kosovës nga Serbia, shqetësues
Zëdhënësi i Bashkimit Evropian, Peter Stano, tha për Radion Evropa e Lirë të ...
-
Një muaj paraburgim për kosovarin e ndaluar në Serbi nën dyshime për kríme ĺufte, thonë familjarët
Një gjykatë serbe ia ka caktuar masën prej një muaji paraburgim të pr...