Lajme

A ka rrjedhje informacionesh nga Inspektorati Policor i Kosovës

Autori: Gazeta inFokus 11:57 | 30 November 2021

Kryeshefi Ekzekutiv i Inspektoratit Policor, Kushtrim Hodaj, gjatë raportimit në Komisionin për Çështjet e Sigurisë dhe Mbrojtjes ka folur ndër tjera edhe për çështjen e rrjedhjes së informacioneve nga IPK-ja, shkruan Gazeta Infokus.

Hodaj është pyetur për këtë çështje nga Enver Dugolli, Zëvendëskryetar i parë në Komisionit për Siguri. Dugolli është thirrur në atë se shumica e mediave po deklarohen për raste të caktuara duke u shprehur se kanë burime të sigurta nga IKP-ja.

Kryeshefi i Inspektoratit Policor tha se rrjedhja e informacionit po ndodh në shumë institucione dhe kjo mund të ndodh edhe tek ne, mirëpo deri tani nuk kemi identifikuar ndonjë rast.

-Advertisement-

“Është një problem dhe një dukuri që ndodh në shumë institucione dhe kjo mund të ndodh edhe tek ne. Unë kamë pas raste kur kam kërkuar prej Prokurove të cilët kanë pasur në trajtim rastet, që të nxjerrin autorizimin dhe të hetohet në drejtim të rrjedhjes së informatave qofshin ato edhe kur dalin prej Inspektorati Policor të Kosovës” tha Hodaj.

Ai shtoi se ne nuk kemi arritur të identifikojmë ndonjë rrjedhje të informacionit nga IKP-ja, mirëpo nëse kjo ndodh do të marrë masa në drejtim të zyrtarëve tanë.

“Në jemi të hapur për hetim në këtë rast nga prokuroria apo nga kushdo, për çfarëdo lloj rrjedhje të informacionit. Ne si menaxhment nuk kemi arritur të identifikojmë ndonjë informacion që është dal prej zyrtarëve tanë, mirëpo kurdo që të kamë informata të bazuara për këtë, sigurisht që do të marrë masa në drejtim të zyrtarëve tanë”, tha Hodaj./Gazeta Infokus/

Subscribe në YouTube: GAZETA INFOKUSI