Lajme

A i tha edhe Albin Kurtit, “çfarë dreqin po bën”, përgjigjet Von Cramon

Autori: Gazeta inFokus 12:23 | 29 May 2023

Euro deputetja, Viola Von Cramon në një konferencë për media ka thënë se sot në mëngjes është takuar me kryeministrin e Kosovës, Albin Kurtin.

E pyetur nëse i ka thënë Kurtit se “çfarë dreqin po bënë” ashtu siç iu drejtua policisë së Kosovës në Zubin Potok ajo ka thënë se i ka shprehur shqetësimin e saj për situatën në veri.

Ajo është munduar të sqarojë këtë deklaratë të saj duke thënë se e di që përgjegjëse për këtë nuk është policia por qeveria e Kosovës.

-Advertisement-

“Kam qenë më herët në zyrën e kryeministrit Kurti por në terren një gjendje që se kam parë më përpara dhe kam pasur disa takime edhe këtë mëngjes ku ia adresova këto çështje dhe natyrisht që vendimet duhet të merren nga ata që janë në pushtet këtu dhe ata duhet si të them të kenë përgjegjësinë për këtë. Ata policë në terren e bëjnë vetëm punën e tyre, e thashë nuk i mbaj ata përgjegjës. Mbaj qeverinë këtu në Prishtinë përgjegjëse për situatën. Po e përsëris veten tani sepse nuk di çfarë më shumë të shtojë”, ka thënë Von Cramon./Gazeta Infokus/