Lajme

A i ka siguruar 80 votat Vjosa Osmani, flet Mimoza Kusari

Autori: Gazeta inFokus 16:25 | 04 April 2021

Ushtruesja e detyrës së shefes së grupit parlamentar të Lëvizjes Vetëvendosje, Mimoza Kusari-Lila, ka thënë se beson që sot do të kryhet çështja e zgjedhjes së presidentit.

Në një prononcim për klankosova.tv, ajo ka shtuar se gjatë ditës së sotme janë angazhuar për ta siguruar edhe votën e 80-të.
“Unë po besoj se i kemi 80 votat e mjaftueshme – jemi angazhuar për t’i siguruar 80 vota, por kjo mbetet të konfirmohet sot në seancën e thirrur për ta votuar presidentin”.

Kusari-Lila nuk ka pranuar ta përmend emrin e deputetit në fjalë, por së fundmi është raportuar se ka një marrëveshje me deputetin Adem Hoxha nga Partia Unike e Goranëve (Jedinstvena Goranska Partija).

Të tjera