Lajme

A e detyroi VV-në rritja e Daut Haradinajt dhe dështimi i Arben Vitisë të kërkojë shtyrjen e zgjedhjeve lokale

Autori: Gazeta inFokus 16:35 | 13 September 2021

Ka kohë që gara për Prishtinën ka filluar. Tanimë partitë politike kanë zyrtarizuar personalitetet me të cilët synojnë ta fitojnë kryeqytetin. Partia në pushtet, e cila edhe ka udhëhequr me kryeqytetin për dy mandate ka vendosur që të kandidojë me ministrin e Shëndetësisë Vitia.

Natyrisht që për shumë kë kjo kandidaturë në fillim shihej si e pa konkurrencë në garën për Prishtinë, si dhe fitorja e Vitisë shihej si punë e kryer tashmë.

Në anën tjetër, Daut Haradinaj kishte kohë që kishte filluar aktivitetin e tij në Prishtinë. Fillimisht kandidatura ishte befasi për opinionin por njëherit ishte edhe një shtytje që edhe partitë e tjera të dalin me kandidatura serioze. Haradinaj me energjinë e tij befasoi të gjithë. Fillimisht pranë vetes ndërtoi ekip ekspertësh dhe njohës të të gjitha fushave, ndërsa në listën për asamble përfshiu personalitete të respektuara në Prishtinë.

-Advertisement-

Tani kur situata me pandemi është jashtë çdo kontrolli, Vitia më nuk e ka atë primat që e kishte muaj më parë. Keqmenaxhimi me sistemin e vaksinimit si dhe pakënaqësitë e stafit shëndetësor lidhur me pagesën e shtesave, ka bërë që Vitia nga një figurë e pa prekshme të shndërrohet në një figurë dështuese.

Kjo ka vënë në panik Vetëvendosjen e cila po kërkon me ngulm shtyerjen e zgjedhjeve, me shpresë se kjo do t’i shpëtojë nga humbja eventuale në kryeqytet. Siç duket në shërbim të Lëvizjes Vetëvendosje dhe përgatitjes së terrenit për të shtyrë zgjedhjet është vënë edhe pesidentja e vendit, Vjosa Osmani.

Kujtojmë se zgjedhjet e fundit janë mbajtur pavarësisht faktit se Kosova ishte në situatë pandemike, kurse më të zëshmit në kërkesë për mbajtjen e zgjedhjeve ishin pikërisht zyrtarët e partisë që tani është në pushtet.

Subscribe në YouTube: GAZETA INFOKUSI
Etiketa:
Aeroporti “Adem Jashari” ka një kërkesë për udhëtarët që kanë humbur valixhet e tyre
-Advertisement-

Të tjera

Fokusi

lajme