Lajme

A do t’i rishikojë masat e vendosura për ata që hyjnë në Kosovë? Kjo është përgjigjja e ministrit Latifi

Autori: Gazeta inFokus 13:51 | 26 January 2022

Ministri i Shëndetësisë, Rifat Latifi, është duke raportuar për situatën epidemiologjike në Komisionin Parlamentar për Shëndetësi, shkruan Gazeta inFokus.

Latifi është pyetur se a do të rishikohen masat e vendosura për ata që hyjnë në Kosovë, ku shtetasve të huaj u kërkohen tri dozat e vaksinave.

Kësaj pyetje ai i është përgjigjur duke thënë se ata nuk i kanë kërkuar tri doza atyre që hyjnë në Kosovë, por që sipas tij, nëse ata i kanë tri doza, nuk kanë nevojë për asnjë dëshmi tjetër si testi PCR.

“Asnjëherë Ministria e Shëndetësisë as Qeverisa e Kosovës nuk ka thënë se duhesh me i pas desitivisht tri doza për me hy në Kosovë, por nëse i ke tri doza nuk ke nevojë për kurgjë tjetër. Për çdo të enjte mbahet Komiteti për vlerësimin e gjendjes, nga instituti e të gjitha spitalet ne i marrim të të dhënat, e vlerësojmë situatën, ne e vlerësojmë gjendjen dy herë në ditje tri katër herë në ditë. Unë nuk jam i interesuar me i mbajtë bizneset të mbyllura me i mbajtë palestrat mbyllur, asnjë sekond, përveç asaj që ekspertët tonë e konsiderojnë të domosdoshme. Prandaj absolutisht kemi me i rishiku këto masa”, ka deklaruar ministri Latifi.

Vendimi për shtetasit e huaj që hynë në Kosovë është vendimi më i kritikuar nga të gjithë./Gazeta inFokus/

Të tjera

Fokusi

lajme