Lajme

A do të shkoj Kosova përsëri në zgjedhje?

Autori: Doresa Geci 22:24 | 01 November 2019

Ende pa u çertifikuar rezultatet e zgjedhjeve të parakohshme të 6 tetorit, Kosova përsëri rrezikon të shkoj në zgjedhje, shkruan Gazeta inFokus.

Kështu të paktën lë të nënkuptohet nga prononcimi që ka bërë kryetari i Lidhjes Demokratike të Kosovës, Isa Mustafa.

Ai këtë të premte në një emision televizivë ka thënë se nëse nuk bëjnë koalicion me VV-në atëherë do të shkojnë në opozitë.

-Advertisement-

“Nëse nuk arrihet, LDK shkon në opozitë, por në asnjë rast nuk shkon me subjekte të tjera, nuk do të shfrytëzojmë asnjë rrugë tjetër, asnjë koalicion tjetër, nëse gjejmë zgjidhje me Vetëvendosjen. Vet fakti që ne po zhvillojmë negociata, kjo tregon se puna nuk është kryer, mirëpo kur zhvillon negociata atëherë s;mund të shpallësh të kryer punën sepse njerëzit mund të thonë gjithfarë. Këtu s’mund të ketë fitues, ose dy palët do të jenë fituese, ose nuk do të kemi marrëveshje”, ka thënë Mustafa.

E në anën tjetër kandidati më i votuar për kryeministër, Albin Kurti e ka ripërsëritur vazhdimisht se nëse nuk arrijnë koalicion me LDK-në do të shkojnë përsëri në zgjedhje, shkruan Gazeta inFokus.

“Nuk mund të zëvendësojmë LDK-në tash me PAN-in. Unë do të filloj bisedimet me LDK-në, të bazohemi në rezultatin zgjedhor e të merremi vesh përfundimisht. Sepse po të mos merremi vesh, do të shkojmë në zgjedhje prapë”, ishte shprehur Kurti.

Pra, nëse nuk arrihet një marrëveshje ndërmjet LVV-së dhe LDK-së, Kosova ka mundësi të shkoj përsëri në zgjedhje./Gazeta inFokus/

Subscribe në YouTube: GAZETA INFOKUSI