Qytetarët e Kosovës do të vaksinohen falas kundër virusit COVID-19.

Këtë për Gazetën inFokus e kanë konfirmuar edhe nga Ministria e Shëndetësisë, sipas të cilëve vaksinimi do të fillojë në mes të muajit shkurt, kur edhe do të arrijnë 360 mijë vaksinat e para në vend.

“Kosova, ka siguruar buxhet prej 40 milionë eurove (ne kuadër te buxhetit 2021) për vaksinat qe do t’i blejë vet dhe nevojat për COVID-19, kështu që çdo vaksine që do t’u jepet qytetarëve të Kosovës, do te jetë falas”, thuhet në përgjigjen e MSh-së.

E lloji i vaksinës me të cilën do të vaksinohen nuk dihet ende, shkruan Gazeta inFokus.

Kjo sepse 360 mijë vaksinat e para do të vijnë falas, e se të cilit lloj do të jenë varet nga donatori.

“Kjo varet nga COVAX (për donacionin), ndërsa për momentin ne përdorim është vaksina e Phizer Bion/Tech e aprovuar edhe nga OBSH, derisa ne disa vende ka filluar përdorimi edhe i Moderna dhe Astra Zeneca”, ka konfirmuar MSh-ja për Gazetën inFokus.

Nga COVID-19 në Kosovë kanë humbur jetën 1 mijë e 351 persona.

Ndërsa deri më tani nga virusi COVID-19, janë prekur, 52 mijë e 134 qytetarë, e raste aktualisht aktive janë edhe 7 mijë e 835./Gazeta inFokus/