A do të largohet Milaim Zeka nga Nisma?
Autori: Gazeta inFokus 17:24 | 06 November 2018
Deputeti i NISMA-s, Milaim Zeka, thotë se nuk do të largohet nga grupi parlamentar i NISMA-s Socialdemokrate edhe pas përplasjes me Jakup Krasniqin, pasi sipas tij polemika të tilla janë shumë normale brenda një partie politike.
Zeka në një prononcim për Gazetën Express ka thënë se nëse dikush është dashur të bëhej pishman për aderim në NISMA është vetë ai.
“Jo nuk kam nevojë, këto janë polemika shumë normale, brenda çdo demokracie brenda çdo partie politike janë shumë normale”. Jakupi mundet me u bo pishman edhe pse u martua. Nuk është që m’ka lanë Jakupi ose s’mka lanë. Nëse është dikush që është dashtë me u bo pishman, jam unë, po s’jam bo hiç pishman” është përgjigjur Zeka në pyetjen se a do ta konsideroj largimin nga GP i NISMA-s pas përplasjes me Jakup Krasniqin.
Ai thotë se në këtë parti është më i votuari pas Fatmir Limajt, dhe se falë tij NISMA ka edhe grup parlamentar në Kuvend.
“Unë jam njeriu më i votuar pas Fatmir Limajt në NISMA, falë meje NISMA ka edhe grup parlamentar. Nuk e konsideroj largimin “, ka shtuar Zeka.
Lidhur më këtë përplasje ndërmjet Zekës dhe Krasniqit, shefi i grupit parlamentar të NISMA, BIlall Sherifi, thotë se Zekës tashmë kanë filluar t’i pëlqejnë lavdet që po ia bënë Hashim Thaçi.
Sherifi thotë se tashmë procesin për shenjtërimin e deputetit Zeka ka mbetur pa e bërë vetëm edhe Papa Françesku.
“Pas lëvdatave që para disa ditësh Milaimi i morri nga ish-kundërshtari i tij presidenti Hashim Thaçi, tani ka mbetë që vetëm edhe papa Françesku të fillojë procesin për shenjtërimin e tij”, ka thënë Sherifi për Express.
Të hënën Kryetari i Këshillit Kombëtar të NISMA-s Socialdemokrate, Jakup Krasniqi, në një shkrim në profilin e tij zyrtar e kishte thënë se ka bërë gabim që e ka pranuar Milaim Zekën të futet në listën e NISMA-së në garën për deputet.
“Nëse gjatë këtyre viteve pendohem për ndonjë veprim timin është: Pranimi i Milaim Zekës që të garoi në Listën e Nismës për deputet i Kuvendit të Kosovës. Për ketë gabim timin, qytetarëve të Kosovës, burrave e grave U KËRKOJ FALJE! U kërkoj falje për gjuhën që ai përdor në Kuvendin e Kosovës dhe e cila gjuhë e degraduar hynë në çdo familje shqiptare”, kishte shkruar Krasniqi të hënën.
Ndërsa Zeka i kishte reaguar të martën në mëngjes duke i thënë se do të flas edhe për veprimet e Jakup Krasniqit, por duket se më pas Zeka është bërë pishman dhe ka shlyer komentin e tij, apo ndoshta vetë Krasniqi ia ka shlyer atë koment.
“Ty të pengon fjalori im, ndërsa mu me kane pengu veprimet tua, për te cilat do te flas një dite. Ty te pengon fjalori im, sepse ai fjalor e godet hajnin, hipokritin, te pabesin dhe shkatërrimtarin e shtetit. Unë nuk jam penduar për asgjë. Kam vetëm një pyetje: Çka kam përfitua unë nga politika dhe Nisma?!!! Hajt ma thuaj vetëm një gjë?. Fjalori im i pengon vetëm profiterat, askënd tjetër…” , kishte shkruar Zeka.
Krasniqi kishte thënë se shkak i pendimit të tij është gjuha e degraduar që Milaim Zeka e përdor në Kuvendin e Republikës së Kosovës
Të tjera
-
SBAShK paralajmëron protestë më 1 maj
Sindikata e Arsimit, Shkencës dhe Kulturës (SBAShK) ka bërë të ditur se me 1 ...
-
Amerika do të dërgojë ndihma në Ukrainë këtë javë, thotë Biden
Presidenti i ShBA-së, Joe Biden, ka thënë se vendi që drejton do të dërgojë a...
-
Deri në ora 13:00 në Maqedoni të Veriut votuan mbi 26 për qind e votuesve
Nënkryetarja e Komisionit Shtetëror të Zgjedhjeve në Maqedoni të Veriut, Dimt...
-
MPB: Në një vendvotim në Shkup është hedhur bombë tymuese, janë fotografuar fletëvotime
Zëdhënësi i MPB-së, Toni Angellovski, ka informuar për rrjedhën e procesit zg...
-
Ish-komandant Qeriqi përfundon dëshminë në rastin Thaçi dhe të tjerët
Pas dy ditësh e gjysmë dëshmi, ka përfunduar dëshminë dëshmitari i 55-të i Zy...
-
Pezullohet prifti ortodoks që udhëhoqi ceremoni në varrimin e Navalnyt
Prifti rus Dmitry Safronov është pezulluar për tre vjet, pasi e udhëhoqi një ...
-
Konfirmohet raportimi i Infokusit – Bordi i KEK-ut shkarkon përfundimisht Nagip Krasniqin nga pozita e kryeshefit
Bordi i Drejtorëve të Korporatës Energjetike të Kosovës (KEK), ka konfirmuar ...
-
Parlamenti Evropian miraton planin prej 6 miliardë eurosh për Ballkanin Perëndimor
Parlamenti Evropian e ka miratuar të mërkurën planin për rritje ekonomike në ...
-
11,06 % dalja e votuesve në Kumanovë deri në orën 11:00
Deri në orën 11:00 dalja e qytetarëve me të drejtë vote në Kumanovë ka qenë 1...
-
Abdixhiku kujton veprimtarin Ismet Rraci: Ai jeton brenda Lidhjes
Kryetari i Lidhjes Demokratike të Kosovës, Lumir Abdixhiku me bashkëpunëtorë ...
-
Presidenti në gjyq, dita e 6-të/ Nga historitë rozë te goditja e kundërshtarëve dhe zgjedhjet e 2016, çfarë dëshmoi ish-bashkëpunëtori i Trump
NEW YORK – E marta filloi me një seancë dëgjimore mbi 10 shkeljet e supozuara...
-
Nesër në Bruksel vazhdon dialogu Kosovë-Serbi për vendimin e BQK-së për dinarin
Nesër në Bruksel në kuadër të dialogut ndërmjet Kosovës dhe Serbisë do të vaz...