Lajme

A do të ketë shi kësaj fundjave, ky është parashikimi i motit

Autori: Gazeta inFokus 18:22 | 06 May 2022

Gjatë kësaj fundjave pritet të ketë riga lokale shiu, kurse java tjetër fillom me diell për të sjellë sërish të martën reshje shiu, ka njoftuar Prishtina Weather.

Temperaturat minimale luhaten ndërmjet 7C e 10C, e maksimalet ndërmjet 22C e 24C, shkruan Gazeta Infokus.

Njoftimi i plotë:

Vransira e diell në fundjavë. Mundësi për riga lokale shiu të shtunën. Java fillon me më shumë diell, të martën mundësi për reshje lokale shiu.

6.05.2022 – Vransirat që kanë përfshi vendin ditën e sotme, mbeten prezente edhe ditëve të fundjavës, e sa i përket reshjeve, mund të priten në formë të rigave lokale ditën e shtunë.

Java e ardhshme parashihet të dominohet nga mot më të qëndrueshëm, me më shumë intervale me diell, dhe një rritje të temperaturave në pjesën e dytë. Ditën e martë orëve të pasdites edhe po shfaqen mundësi për reshje lokale shiu me bubullima.

Indeksi i cilësisë së ajrit në ditët vijuese do të jetë kryesisht në vlera të pranueshme.

7.05 – Kryesisht me vransira. Vende-vende paraqiten mundësi edhe për riga lokale shiu, me më shumë gjasa herët në mëngjes.

8.05 – Kryesisht me vransira, e ditën edhe me intervale me diell.

9.05 – Intervale më të gjata me diell dhe vransira kalimtare.

10.05 – Pjesërisht vranët. Pasdite priten mundësi edhe për reshje lokale shiu me bubullima.

11.05 – Kryesisht me diell dhe ngrohtë.

Temperaturat minimale luhaten ndërmjet 7C e 10C, e maksimalet ndërmjet 22C e 24C.

Era frynë e lehtë dhe mesatare nga juglindja 5-11m/s, e nga dita e hënë nga veriu e verilindja.

Shtypja atmosferike mbetet më e lartë mbi vlera normale dhe luhatet në këto vlera të larta.

Të tjera

rel="nofollow"