Lajme

A do të anëtarësohen Suedia dhe Finlanda në aleancën e NATO-s?

Autori: Gazeta inFokus 12:45 | 11 May 2022

Kryeministri britanik Boris Johnson po viziton sot Suedinë dhe Finlandën për të diskutuar luftën në Ukrainë – në një kohë kur të dyja vendet po shqyrtojnë nëse do t’i bashkohen aleancës ushtarake të NATO-s.

Por a do të shkojnë nga vende neutrale në NATO?

Finlanda miratoi neutralitetin pasi forcat e saj u mundën nga Bashkimi Sovjetik gjatë Luftës së Dytë Botërore, dhe nëse Suedia vendos të bashkohet me NATO-n, kjo do t’i jepte fund më shumë se 200 viteve të mosangazhimit për vendin.

-Advertisement-

Harta që tregon zgjerimin e NATO-s që nga viti 1997

Presidenti rus Vladimir Putin ka përdorur shpesh perspektivën e zgjerimit të NATO-s në Ukrainë për të justifikuar pushtimin e tij. Pra, anëtarësimi i Suedisë dhe Finlandës në aleancë do të perceptohej si një provokim.

Por që nga fillimi i luftës, mbështetja në të dyja vendet për anëtarësimin në NATO është rritur, raporton BBC, transmeton Klankosova.tv.

Mbështetja publike finlandeze për anëtarësimin në NATO ishte prej vitesh rreth 20-25%. Por që nga pushtimi i Ukrainës nga Rusia, sipas sondazhit të fundit të opinionit, ai ka arritur një rekord prej 76%. Në Suedi, 57% e popullsisë dëshiron të bashkohet, përsëri shumë më e lartë se para luftës.

Subscribe në YouTube: GAZETA INFOKUSI
Etiketa:

Të tjera

Fokusi

lajme