Vetëvendosje mund ta vonojë pafundësisht krijimin e qeverisë së re
Autori: Gazeta inFokus 07:34 | 30 March 2020
Kryeministri në detyrë, Albin Kurti, gjatë së dielës ka thënë se Kushtetuta e Kosovës e ka bërë të qartë se një mocion mosbesimi i suksesshëm prodhon zgjedhjet dhe jo një qeveri tjetër.
Kryeministri në detyrë i Kosovës, Albin Kurti, gjatë së dielës ka kërkuar nga presidenti Hashim Thaçi, që vendi të shkojë në zgjedhje pasi të mbarojë pandemia.
Përmes një postimi në profilin e tij zyrtar në rrjetin social Facebook, sipas Kurtit, Kushtetuta e Kosovës e ka bërë të qartë se një mocion mosbesimi i suksesshëm prodhon zgjedhjet dhe jo një qeveri tjetër.
Mirëpo, Albert Krasniqi nga Demokracia Plus, ka bërë të ditur se qeveria e re mund të behet edhe pas mocionit
“Thirrja në precedent për shpërndarje të Kuvendin pas mocionit të suksesshëm të mosbesimit ndaj qeverisë, do të kishte kuptim sikur Kushtetua nuk do të kishte dispozita mjaftueshëm të qarta se si mund të veprohet në këso raste. Kushtetuta jonë është e qartë dhe jep opsione: i) nisjen e procedurave nga fillimi për zgjedhjen e qeverisë së re ose ii) shpërndarjen e Kuvendit. Opsioni i dytë do të duhej të ishte vetëm si rezultat i mungesës së shumicës parlamentare për të formuar qeverinë e re, apo, nëse ky është vullnet politik i 2/3-së së deputetëve të cilët do të votonin për shpërndarjen e Kuvendit”, ka shkruar Krasniqi në profilin e tij zyrtar në rrjetin social Facebook.
Mirëpo sipas Mazllum Baraliut, ekspert i çështjeve kushtetuese, dorëheqja nga posti i kryeministrit dhe rrëzimi i qeverisë përmes mocionit, në esencë nuk dallojnë.
Baraliu për lajmi.net, ka sqaruar se çka nënkupton neni 82 dhe 95 i Kushtetutës së Kosovës.
“Jo në esencë nuk dallojnë. Në esencë është e njëjta gjë, atëherë ka dhënë dorëheqje kryeministri dhe me pranimin e mocionit, gjegjësisht dorëheqjes së tij, bije qeveria. Ashtu thotë neni 95 i Kushtetutës. Ndërkaq me mocion të mosbesimit po ashtu, rrëzohet qeveria, pra bije komplet qeveria dhe rezultati është i njëjtë, por të njëjtën gjë sikur atëherë do të duhej edhe në këtë situatë të mocionit të mosbesimit t’i jepej mundësia partisë së parë fituese në këtë rast Vetëvendosjes, që të formojë qeverinë meqë sapo kemi pasur një cikël zgjedhor dhe në qoftë se kjo (Vetëvendosje), këtë e konsumon nuk ka kandidat, atëherë presidenti në kërkesën e tij që t’ia jap mundësinë për të marrë mandatin atëherë presidenti ka mundësi që në bazë të nenit 82 të kushtetutës ka mundësi që t’i shpallë zgjedhjet e jashtëzakonshme, por edhe në bazë të nenit 95 po ashtu ka mundësi të shpall zgjedhje të jashtëzakonshme”, sqaroi Baraliu.
I pyetur nga lajmi.net, se çka ndodhë nëse Vetëvendosje nuk e dërgon emrin e mandatarit te presidenti, dhe se a mund ta vonojë një veprim i tillë zgjedhjen e qeverisë së re, Baraliu, ka thënë se, në bazë të kushtetutës nuk ka afate të caktuara dhe rrjedhimisht sipas tij, kjo mund të krijojë vakuum deri në pafundësi.
“Fatkeqësisht është një vakuum në Kushtetutën e Kosovës që nuk ka afat të caktuar se prej momentit kur presidenti i mandaton një parti politike në këtë rast që ka shumicën në Kuvend e që është Vetëvendosje, që ta jap mandatarin nuk ka afat të caktuar pas sa ditësh duhet domosdoshmërisht ta jap përgjigjen. Pra është një vakuum që len mundësi që në pakufi të mos jepet përgjigja fare dhe kështu të vazhdojë qeveria në detyrë dhe kjo është një defekt i kushtetutës. Prandaj po ka mundësi që Vetëvendosje që ta shtyjë në një afat të pacaktuar dhënien e përgjigjes dhe presidenti nuk është i lirë që pastaj në bazë të vendimit të Gjykatës Kushtetuese t’ia jap besimin ndonjë partie tjetër të tretë ose koalicioni paszgjedhor që mund të bëhet, në këtë rast siç është planifikuar nga LDK që të bëhet me AAK-në dhe Nismën”, theksoi Baraliu.
Duhet theksuar se, më 25 mars, Kuvendi i Kosovës me 82 vota për, 32 kundër dhe 1 abstenim votoi për mocionin e mosbesimit ndaj Qeverisë Kurti. Qeveria Kurti ishte zgjedhur më 3 shkurt, 2020.
Mocioni u ngrit nga Lidhja Demokratike e Kosovës, e cila është pjesë e qeverisë. Aktualisht qeveria nuk është e dorëhequr, por në detyrë.
Presidenti i Kosovës, Hashim Thaçi ka paralajmëruar se do të mbajë konsultime me partitë politike lidhur me krijimin e një qeverie të re.
Të tjera
-
Vdekja tragjike e Liam Payne, flet ish-truproja i tij shqiptar: Qava si fëmijë, e kisha si djalë
Joni Proni, i cili për 14 vite ka shërbyer si truproja personal i Liam Payne,...
-
Gjakovarit i vidhet vetura në parking
Një burrë ka njoftuar policinë në Gjakovë se persona të panjohur ia kanë vjed...
-
Kriza e tregut të automjeteve elektrike në Gjermani – shumë klientë po i kthehen automjeteve me benzinë dhe naftë!
Që nga fillimi i vitit, numri i atyre që blenë një automjet të ri dhe zëvendë...
-
Tragjike! Mbytet varka me emigrantë drejt Britanisë së Madhe, humb jetën një foshnjë
Një foshnjë vdiq pasi një varkë që transportonte njerëz në Kanalin drejt Brit...
-
Haradinaj udhëton drejt SHBA-së, paralajmëron takime me kongresmenë dhe zyrtarë amerikanë
Kryetari i AAK-së, Ramush Haradinaj, ka udhëtuar për vizitë zyrtare drejt SHB...
-
Trump fajëson Zelenskyn: Nuk duhet të lejonte kurrë që lufta me Rusinë të niste
Ish-presidenti i Shteteve të Bashkuara, Donald Trump, e ka fajësuar president...
-
Dhụnohẹt një grua në Prizren, dërgohet në QKUK për ekzaminim
Një grua është dhunuar në Prizren ku rasti ka ndodhur më 13 tetor dhe se vikt...
-
Dallavere në Komunën e Vushtrrisë, aktakuzë kundër dy zyrtarëve
Prokuroria Themelore në Mitrovicë, ka ngritur aktakuzë kundër dy personave, n...
-
Policia gjen shufër metalike dhe thikë në çantën e një personi në aeroportin “Adem Jashari”
Policia e Kosovës ka gjetur shufër metalike dhe një thikë në çantën e një per...
-
Të shtëna me ạrmë në Pejë
Një person ka shtënë me armë drejt një burri në Pejë, por nuk ka qëlluar. ...
-
Çfarë po ndodh me ushqimin për ushtarët?
Fotografitë e shujtave të pjesëtarëve të Forcës së Sigurisë së Kosovës, të pu...
-
Arrestohet një person pas rrạhjes në një lokal në Graçanicë
Një burrë ka rrahur një tjetër pas një mosmarrëveshje në një lokal në Graçani...