Si u bë “Ambasador” rektori i UP-së Marjan Dema?
Autori: Gazeta inFokus 16:09 | 23 January 2020
Me plot krenari Marjan Dema e ka varur në murin e zyrës dekoratën “Ambasador i Paqes, Edukimit dhe Shkencës”.
Rektori i Universitetit të Prishtinës, “u nderua” në dhjetor të vitit të kaluar me këtë titull nga një organizatë e quajtur Komiteti Botëror i Paqes.
Por, si titulli ashtu edhe organizata me seli në Bazel të Zvicrës, e udhëhequr nga indoneziani Djuyoto Suntani, dyshohet të janë pjesë e një skeme të gjerë mashtrimi nëpër botë.
Gazeta inFokus ka gjetur se në të kaluarën, e njëjta organizatë, ka ndarë çmime edhe për figura tjera publike në Kosovë, të cilat dyshohet se kanë paguar para në këmbim të çmimeve të ngjashme.
Faqja zyrtare e kësaj organizate, është përplot fotografi të aktiviteteve të përbashkëta të Djuyoto Suntani me Shefki Hysën. Ky i fundit është një personazh tjetër i dyshuar për mashtrime, që mban një titull si guvernator i Misionit Diplomatik për Paqe dhe Prosperitet.
Hysa është bërë i njohur për media për shkak të aktiviteteve të tij të dyshimta duke shpërndarë tituj fiktiv si ‘Diplomat i OKB-së”, “Konsull Nderi i OKB-së e “Misionar i Paqes i OKB-së”, e madje posedim të tabelave diplomatike.
Një titull të dyshimtë nga organizata e Hysës e kishte marrë edhe kryeministri Ramush Haradinaj, kryetari i Gjilanit Lutfi Haziri, ai i Vitisë Sokol Haliti e shumë personalitete tjera në Kosovë.
Dyshimet për përfshirjen e kreut të UP-së në një skandal të ngjashëm as pas një muaji pritje nuk i ka hedhur poshtë vetë Marian Dema.
Ai nuk i është përgjigjur pyetjeve të Gazetës inFokus nëse ka qenë në dijeni për kredibilitetin e kësaj organizate dhe nëse ka paguar para për të marrë këtë çmim.
Gazeta inFokus i ka dërguar pyetje Rektorit Dema me 11 dhjetor të vitit 2019, një ditë pasi kishte pranuar zyrtarisht çmimin “Ambasador i Paqes, Edukimit dhe Shkencës” në një ceremoni të organizuar në Prishtinë.
As zyrtarët e Komitetit Botëror të Paqes me seli në Bazel të Zvicrës, nuk kanë sqaruar se cilat janë procedurat e përzgjedhjes së personaliteteve për këtë çmim.
Në pyetjet e dërguara një muaj më parë, rreth lidhjeve të tyre me Shefki Hysën, kanë zgjedhur të heshtin.
Por, jo edhe nënkryetari i Komitetit Botëror të Paqes, Franko Cetinich.
Ai ka kërcënuar gazetën inFokus duke u munduar të ndikoj në mos publikimin e këtij teksti me pretendimin se është informuar nga Rabit Sadiku, i cili është nënkryetar i po të njëjtës organizatë, se gazeta po tenton qëllimisht të publikoi informacione lidhur me përfshirjen e tyre në shitjen e çmimeve.
“… Unë jam nënkryetar i Paqes Botërore të Gongut për Evropën. Unë jam informuar nga kolegu im Dr. Rabit Sadiku i cili është Nënkryetari i ËPG për Ballkanin, që keni bërë komente interesante dhe të pavërteta për veten time dhe Dr. Sadiku, duke sugjeruar që ne jemi një organizatë kriminale që shesim diploma për përfitimet tona financiare! Se ju keni kërcënuar të publikoni këto akuza në media” thuhet në një pjesë të e-mailit të Franko Cetinich dërguar redaksisë së gazetës inFokus.
Megjithatë, edhe tani pas më shumë se një muaj, Gazeta inFokus nuk ka marrë përgjigje nga nënkryetari i kësaj organizate Franko Cetinich e as zyrtarët e tjerë të cilët figurojnë në listën e të angazhuarve si nënkryetar në këtë komitet.
Njëri nga ta është edhe zëvendës presidenti i Komitetit Botëror të Paqes, Rabit Sadikut, i cili ia dorëzoi rektorit të Universitetit të Prishtinës titullin “Ambasador i Paqes, Edukimit dhe Shkencës”. Por, gjatë gjithë kësaj kohe nuk ka qenë në dispozicion të flas për punën që bënë./Gazeta inFokus/
Të tjera
-
Arratisja e Sekiraqës, Hodaj: Do të verifikojmë nëse policia ka pasur informacione për ikjen e tij nga Kosova
I akuzuari për shtytje në vrasje të policit Triumf Riza më 2007, Enver Sekira...
-
Borrell: Besueshmëria e BE-së në rrezik, shkak mospërfillja e GJND-së nga Izraeli
Shefi i politikës së jashtme të BE-së, Josep Borrell, tha se blloku evropian ...
-
Si ndodhi plagosja e qytetarit në Zonën Ushtarake të FSK-së?
Hyrja është e ndaluar. Kjo pasi në këtë zonë të fshatit Babaj i Bokës në G...
-
Reagon avokati i Radoiçiqit: S’ka pasur negocim me KFOR-in, janë gënjeshtra të ndyta për ta njollosur
Raportin e Grupit Ndërkombëtar të Krizave, përkatësisht një pjesë të saj e ci...
-
Hedhen vaksina nga ajri për të parandaluar tërbimin e kafshëve të egra, Ministri Peci jep detaje
Faton Peci, ministër i Bujqësisë, ka shkruar në Facebook, të dielën për hedhj...
-
Gjatë javës pritet të arrihet koalicioni qeverisës në Maqedoninë e Veriut
Në Maqedoninë e Veriut po vazhdojnë negociatat për krijimin e Qeverisë së re....
-
E pazakontë, tufa e ujqërve zbret në Dragash
Të shtunën një kope me ujqër është parë në fshatin Pllajnik të Dragashit. ...
-
Haziri: Qeveria Kurti bllokoi 1 miliardë e 200 milionë euro për infrastrukturë
I dyti i LDK-së, Lutfi Haziri thotë se janë hiç më pak se 1 miliardë e 200 mi...
-
Partitë politike flasin për zgjedhje të parakohshme, por ende nuk dihet nëse do të mbahen ato
E enjtja pritet të jetë vendimtare se a do të shkojë vendi në zgjedhje të par...
-
Vetura e Ibrahim Rugovës mund të shihet përsëri në rrugë
Kjo veturë me të cilën dikur lëvizte ish-presidenti Ibrahim Rugova, mund të f...
-
Osmani në 25 vjetorin e Masakrës së Tusuzit: Vendosja e drejtësisë për viktimat është përkushtim i çdoditshëm i yni
Presidentja e Kosovës Vjosa Osmani, i ka përkujtuar viktmat e Masakrës Tusuz ...
-
Mbahet kuvendi zgjedhor në nëndegën e PDK-së në Finlandë
Deputeti i PDK-së, Elmi Reçica, përmes një postimi në facebook ka njoftuar se...