Lajme

Hoxhaj: LVV e LDK kanë një kulturë të ikjes së përgjegjësive

Autori: Gazeta inFokus 08:19 | 21 January 2020

Zëvendëskryeministri në detyrë i Kosovës, Enver Hoxhaj, ka komentuar rreth mos marrëveshjeve që po ndodhin në mes të Vetëvendosjes dhe LDK-së për krijimin e qeverisë, ku ka thënë se në mes tyre, përpos mosbesimit, ka edhe një kulturë të ikjes nga përgjegjësia.

Hoxhaj, ka thënë se ngërçi i krijimit të qeverisë në Kosovë po vjen nga partia e parë dhe e dytë, të cilët po kanë një kulturë të ikjes së përgjegjësisë.

“Përpos mosbesimit që kanë partitë që po negociojnë për krijimin e qeverisë, kanë edhe një kulturë të ikjes së përgjegjësisë”, ka thënë Hoxhaj.

-Advertisement-

Ai ka thënë se Kosova nuk ka shkuar në zgjedhje për të shkuar sërish në zgjedhje.

“Nuk kemi shkuar në zgjedhje më 6 tetor që të ketë tash sërish zgjedhje. Vendin e presin tema të shpejta, përpos atyre temave të mëdha. Ndër to është edhe miratimi i buxhetit, e që nga 1 marsi mund të hyjmë në krizë të plotë financiare.”, ka thënë Hoxhaj.Ai gjithashtu, tha se përgjegjësia kryesore për krijimin e qeverisë është e Lëvizjes Vetëvendosje.

Subscribe në YouTube: GAZETA INFOKUSI