Lajme

Kush është filozofi që do ta udhëheqë Kuvendin e Kosovës?

Autori: Gazeta inFokus 16:22 | 26 December 2019

Glauk Konjufca nga Vetëvendosja do të pasoi Kadri Veselin e Partisë Demokratike të Kosovës në postin e kryetarit të Kuvendit të Kosovës.

Ky propozim është votuar nga 75 deputet nga 110 gjithsej që ishin prezent, shkruan gazeta inFokus.

Por, kush është Glauk Konjufca?

-Advertisement-

Ai ka lindur në korrik të vitit 1981, në Prishtinë. Ka përfunduar studimet e Filozofisë në Fakultetin Filozofik, në Universitetin e Prishtinës.

Sipas një biografie të paraqitur në faqen zyrtare të Vetëvendosjes, Konjufca është aktivizuar në këtë parti që në fillimet e saj.

Është studiues i filozofisë dhe ndërmjet shumë shkrimeve në këtë fushë, ka botuar librin “Huti i minervës fluturon në muzg G.Ë.F. Hegel”.

Në vitin 2010 u zgjodh deputet i Lëvizjes VETËVENDOSJE! në legjislaturën e IV-të të Kuvendit të Republikës së Kosovës. Në vitin 2011-2014 ishte nënkryetar i Kuvendit të Republikës së Kosovës. Në vitin 2014 u zgjodh sërish deputet i Kuvendit të Republikës së Kosovës.

Në të njëjtin vit u zgjodh nënkryetar i kuvendit deri me 12 mars 2015. Në korrik të vitit 2014 ai u zgjodh kryetar i Grupit Parlamentar të Lëvizjes VETËVENDOSJE!. Në legjislaturën e V-të ishte zv. Kryetar i Komisionit për Zhvillim Ekonomik, Infrastrukrurë, Tregti dhe Industri në Kuvendin e Kosovës. Në legjislaturën e fundit ai u zgjodh kryetar i Grupit Parlamentar të Lëvizjes VETËVENDOSJE!, dhe ishte anëtar i Komisionit për Zhvillim Ekonomik dhe Komisionit për Punë të Jashtme.

Është i martuar dhe ka dy fëmijë.

Subscribe në YouTube: GAZETA INFOKUSI