Lajme

Abazi i VV-së: Rama është tërmeti njerëzor që po tund themelet e Shqipërisë

Autori: Gazeta inFokus 09:29 | 20 December 2019

Këtë të premte, Presidenti serb, Aleksandar Vuçiq bashkë me kryeministrin maqedonas Zoran Zaev do të jenë në Shqipëri.

Kjo në tentim për të krijuar të ashtuquajturën “Mini-shengeni Ballkanik”, shkruan gazeta inFokus.

E në këtë iniciativë mungon Kosova, e cila nuk ka pranuar të marrë pjesë.

-Advertisement-

Ndërsa, për këtë punë, për Edi Ramën, po ka kritika të mëdha, edhe në Shqipëri, por sidomos në Kosovë.

Ndërsa, Haki Abazi i Vetëvendosjes ka shkuar edhe pak më larg.

Ky, Edi Ramën e ka krahasuar me tërmetin që ka goditur Shqipërinë nëntorin e këtij viti, shkruan gazeta inFokus.

“Olig-Rama është fatkeqësia e Shqiptarëve, është termeti njerëzor që po i tund themelet e Shqipërisë dhe shqiptarëve në kohën kur zhvillimi dhe drejtimi i rrugëtimit tonë duhet të kishte vetem një destinacion. Rruga për Berlin, Bruksel, Londër dhe Ëashington DC nuk kalon nëpër Beograd”, ka thënë Abazi.

Madje, Abazi shkon aq larg sa që thotë po e vazhdon tentativën e Hashim Thaçit për të ndarë Kosovën.

“Fillimisht Rama ju dorëzoi Shqipërinë oligarkëve dhe tani po ja dorëzon mini-Schengen-it të Vuçic për ta realizuar ndarjen dhe izolimin e Kosovës, atë që Thaçi deshi ta bëjë por nuk u lejua. Kujt i kanë borxh ndarjen e Kosovës? Pse po i ngutet Ramës kaq fort ashtu siq i ngutej Thaçit dikur! Ekziston vetem një Schengen dhe asnjë tjetër”./Gazeta inFokus/.

Subscribe në YouTube: GAZETA INFOKUSI