Privatizimi nuk kursen tokat bujqësore
Autori: Gazeta inFokus 14:23 | 12 December 2019
Sipërfaqet e tokave bujqësore në pronë publike në Kosovë nuk janë kursyer gjatë procesit të privatizimit. Rreth 30 mijë hektarë tokë bujqësore asete të ish-ndërmarrjeve shoqërore janë shitur gjatë procesit të privatizimit, kurse rreth 26 mijë hektarë sipërfaqe të tokës kanë mbetur pa u privatizuar, thonë zyrtarë të Agjencisë Kosovare të Privatizimit (AKP).
Agjencia Kosovare e Privatizimit, përmes, siç quhen valëve të privatizimit, në vazhdimësi ka shpallur në shitje sipërfaqe të ndryshme të tokës bujqësore.
Në një raport të Agjencisë Kosovare të Privatizimit të publikuar në muajin nëntor të këtij viti, thuhet se janë privatizuar 663 toka bujqësore dhe toka të kategorive të tjera, pa specifikuar sipërfaqen. Nga ky numër thuhet se 595 janë tokë bujqësore, kurse 68 toka të kategorive tjera.
E gjithë kjo sipërfaqe, sipas raportit të AKP-së, është shitur për rreth 164 milionë euro.
Nga mbjellja dhe kultivimi i kulturave bujqësore, këto toka tashmë janë kthyer në hapësira biznesi apo në lagje banimi, thonë përfaqësues të bujqve në Kosovë.
Ata shprehen të shqetësuar me shitjen e tokës sipas tyre, tokat e privatizuara bujqësore tashmë u është ndërruar destinimi dhe në këtë mënyrë, po zvogëlohet sipërfaqja mesatare e tokës bujqësore për kokë banori.
Kryetari i Federatës Sindikale të Bujqve, Tahir Tahiri, në një bisedë për Radion Evropa e Lirë, thotë se pikërisht privatizimi i tokës bujqësore ka bërë që të zvogëlohen edhe hapësirat e mbjella me drithëra, pasi në këto sipërfaqe janë ndërtuar objekte të ndryshme, të cilat nuk krijojnë ndonjë leverdi as në aspektin ekonomik e as bujqësor.
Ai tregon se Federata Sindikale e Bujqve ka kërkuar nga organet kompetente që të ndalojnë privatizimin e tokave bujqësore.
“Tokat janë shitur me një çmim shumë të lirë, madje mund të them se parcelat e shitura janë falë. Pronarët që i kanë blerë këto parcela, që 15 vjet nuk i punojnë fare sepse kanë biznese tjera më të leverdishme. Disa parcela janë keqpërdorur duke u shitur për biznese të llojeve të ndryshme”, thotë ai.
Tahiri thotë po ashtu se tokat që kanë qenë rreth autostradave janë shitur për biznese të llojeve të ndryshme duke ndërruar destinimin.
“Do të thotë është bërë një keqpërdorim shumë i madh”, thekson ai.
Sipas një raporti të mëhershëm të Ministrisë se Bujqësisë, është thënë se për një ari tokë, çmimi mesatar ka qenë 34 euro, kurse për një hektar 3.400 euro.
Privatizimin e tokave e quan vendim të gabuar edhe Mejdi Bektashi, profesor në Universitetin e Prishtinës. Ai thotë se sipërfaqet e tokës duhet të sigurohen për investitorë potencialë, kryesisht ata të huaj.
“Do të ishte mirë që qeveria e ardhshme të ndalojë më ligj privatizimin e tokave bujqësore me qëllim që të njëjtat të ruhen për qëllime ekonomike, respektivisht për tërheqjen e investitorëve të huaj për të investuar në Kosovë”, tha Bektashi.
Ndërkaq, Tahir Tahiri thotë se Federata Sindikale e Bujqve po pret krijimin e qeverisë së re, në mënyrë që të kërkojë edhe zyrtarisht ndalimin e procesit të privatizimit për tokat bujqësore.
“Dëmet e shkaktuar nga ky privatizim vështirë se mund të riparohen me dekada. Po presim që të formohet qeveria e re dhe ne do kërkojmë nga qeveria që të merren hapat konkretet dhe të mundohen të sanohen dëmet e shkaktuara në rastin e privatizimit të tokave”, thotë Tahiri.
Qeveria e Kosovës në fund të vitit 2017, kishte marrë vendim për të pezulluar përkohësisht për një afat njëvjeçar, privatizimin e tokave në pronësi shoqërore, në mënyrë që të verifikohen nevojat që kanë institucionet shtetërore për prona, me qëllim të nxitjes se zhvillimit ekonomik dhe investimeve.
Të tjera
-
Arrestohet shqiptari në Itali, ju gjenden 15 kg drogë dhe fletorja me emrat e klientëve
Policia në Itali ka arrestuar shqiptarin nën akuzën për trafikim të drogës. ...
-
“Nëna Rukë” feston ditëlindjen, Ramush Haradinaj me dedikim emocionues
‘Nëna Rukë;, nëna e Ramush Haradinajt feston sot ditëlindjen. Në këtë ditë të...
-
Nesër, 27-vjetori i rënies së Luan Haradinaj
Nesër, më 6 maj shënohet 27-vjetori i rënies së ish-ushtarit të Ushtrisë Çlir...
-
Kosova në Këshillin e Evropës, me apo pa kushte?
Kanë mbetur më pak se dy javë kur pritet të votohet për anëtarësimin e Kosovë...
-
Kurti shkruan edhe për zgjedhjet evropiane të 9 qershorit: Përkrah kancelarit Sholz mbështetëm dy socialdemokratë
Kryeministri i vendit, Albin Kurti, gjatë vizitës së tij në Berlin njofton se...
-
Turistja gjermane bie nga ujvara në Përmet
Një turiste gjermane ka rënë nga ujvara në zonën e Çarçovës në Përmet. Tv ...
-
Policia zbardhë detaje për rastin e tentim vrasjes në veri të cilën e raportoi zëvendësministri për Kthim
Zëvendësministri për kthim në Qeverinë e Kosovës, Radoica Radomiroviq, ka shk...
-
Përvjetori i 75’të i Këshillit të Evropës, Kurti thotë se ky vit shënon plotësimin e kritereve nga Kosova për anëtarësim
Kryeministri i Kosovës, Albin Kurti, ka kujtuar 75-vjetorin e themelimit të K...
-
Basha i reagon AGK’së dhe Reporterëve Pa Kufij, zbrapset pak nga gjuha nxitëse: S’po sulmoj, po bëj kritikë
Deputeti Dimal Basha, i cili pretendoi “disiplinimin e AGK-së dhe RTK-së nga ...
-
Skenari i luftës bërthamore: Nga raketa e parë deri në fund të botës për 72 minuta
Një luftë bërthamore do të ishte e keqe dhe kjo është diçka që të gjithë e di...
-
Xi Jinping nis vizitën në Francë dhe shprehet për mediat vendase
Presidenti kinez mbërriti të dielën në Paris, duke nisur vizitën e tretë shte...
-
PDK nderon dëshmorët e Podujevës, Hamza: Faleminderit, që ndërtuat bazamentin e shtetit tonë
Kandidati i Partisë Demokratike të Kosovës për Kryeministër, Bedri Hamza, bas...