Lajme

Avonet:“Bashkimi i qytetit” rrezikon ferizajasit

Autori: Gazeta inFokus 15:52 | 31 October 2019

Organizata joqeveritare “Avonet”, e që e cila po monitoron projektin “Bashkimi i qytetit”, kanë paralajmëruar se kjo projekti po përcillet me defekte e parregullsi.

Sipas kësaj organizate, projekti nuk ofron siguri për qytetarët pasi ende nuk janë vendosur 85o shtylla sigurie.

E këto, sipas tyre janë të domosdoshme për të ruajt bazën e objekteve afër vendpunishtes, shkruan gazeta inFokus.

-Advertisement-

Drejtori i Avonet, Kenan Gashi, thotë që pilotët nën tokë është dashtë të vendosen me kohë, që të krijojnë siguri për objektet e qytetarët.

Mirëpo, përveç kësaj, thotë që monitoruesit kanë hulumtuar se nuk është bërë as ndonjë studim i fizibilitetit apo gjeomekanik i tokës.

E këto, sipas tij, janë të domosdoshme para se të nisin punimet.

“Ekzekutivi i kësaj komune ka dështuar të ofrojë siguri për qytetarët derisa po e ndërton projektin ‘Bashkimi i qytetit’. Fillimisht nuk janë vendosur 850 pilotë në thellësi të tokës për ta ruajtur bazamentin e projektit dhe të objekteve të tjera të cilat janë të frekuentuara vazhdimisht me qytetarë. Si pasojë e moskrijimit të sigurisë për qytetarët para pak ditësh kemi pasur edhe një incident derisa një shtyllë e energjisë elektrike afër këtij projekti ka rënë mbi një kafene duke lënduar disa qytetarë. Ne kemi monitoruar punimet dhe kemi konstatuar se ky projekt nuk ofron siguri për qytetarët”, ka kritikuar Gashi./Gazeta inFokus/

Subscribe në YouTube: GAZETA INFOKUSI